長駐美國搵食嘅脫星Cindy Starfall相信冇乜巴打留意，阿妹報稱有亞裔血統，客串最多係Asian系列四仔，閒時去脫衣舞場跳舞，上位未有佢份，總叫有工開唔會餓親嗰隻，但出奇係Cindy有個人收費網站，可見對於任何搵錢機會，阿妹絕不會放過，同時佢真係好等錢使囉！點解？早前阿妹對傳媒表示，為滿足粉絲要求，製作一款印有佢「嘜頭」嘅水杯，加入熱水後會顯示出阿妹嘅寫真。坦白講一啲美感都冇，賣25美元一隻（約195港元），相當過分。呃錢都算，上阿妹網站瀏覽其他Collection，居然連着過嘅鞋都掟出嚟賣，好似個底黑晒嘅人字拖、拍寫真着過嘅高踭鞋都由60美元起發售，最過分係一對講到明爆底嘅高踭鞋都賣80美元（約624港元），喂，畀你係佢死硬粉絲，斷估都唔會買對爛鞋儲啩？Cindy你呃到咁盡，真係唔怕被人唱咩？