鹹網Pornhub發起太空性愛探索計劃，將美國脫星Eva Lovia同男優Johnny Sins射上太空執劑勁，立即惹起全球網民議論紛紛，有口痕友話喺片場搭景扮升空根本冇難度，亦有專家表示要喺無重狀態下執劑，男優根本「抬唔起頭」，因此外界一致睇淡今次「壯舉」水分極多！真假都好，Pornhub贏晒宣傳，連帶兩位脫星都紅到升空，呢鋪賺凸啦！
不只成人傳媒報道鹹網Pornhub嘅太空性愛計劃，歐美多份報章如《紐約時報》都爭相報道。講真，就算射唔到上太空，Pornhub個朵經已打響咗，成功彈起！再者真係升空，佢喺籌旗網站集資，可謂一蚊都唔使出。難怪巴打好懷疑，先前從未聽見該網站提及有關升空計劃，更冇聽聞有脫星去面試，又何來萬中選一呢？依家消息一出，就鐵定由脫星Eva Lovia同男優Johnny Sins上陣，官方只交代兩位演員夠專業、有情趣及勇於接受挑戰。吓？咁就可以上太空？確係令人百思不得其解囉！另一方面，要喺60日內籌到340萬美元（約2,652萬港元），絕對係籌旗網站目前最大集資金額，而至截稿前為止只籌得51,617美元，唔知Pornhub有冇信心籌夠錢升空呢？仲有，認為Eva妹26歲，而Johnny哥則36歲，前者體能應該冇問題，但後者係咪應該搵未夠30嘅「男神」James Deen頂上會更好呢？
你繼續唱淡，Pornhub表示已聯絡有關方面，派兩位當事人去接受為期6個月訓練，希望趕及明年上太空開波。問題係Eva Lovia剛贏咗「DP Star Competition」獨家簽咗畀Digital Playground，嚟緊仲有大把四仔排住隊拍，而剛推出新作《Kill Bill: A XXX Parody》嘅Eva ，雖然未係封面女主角，但戲內飾演大反派，都算係孭重飛呀！哈，你估DP真係會咁輕易放人咩？至於男嘅仲大鑊，兩個月前先同「老婆仔」Kissa Sins合作搞鹹網「johnnyandkissa.com」，佢兩公婆每日都要執一劑嚟滿足會員，若然去受訓仲邊有時間搞？一個手停，兩個口都停，你認為Johnny哥會為咗做「前無古人」大英雄而無飯開？總結，成功發射升空執劑，固然創造四仔界歷史，無奈今次計劃太倉卒，睇怕無大財團出手都搞唔掂呀！
脫星計劃上太空其實3年前已經有第一人，佢就係黑妹脫星Coco Brown（又名：Honey Love）喇！2012年Coco同荷蘭太空旅遊公司SXC達成升空合作計劃，據聞阿妹付出64,000英鎊（約768,000港元）射出大氣層，雖然到依家尚未成事，但睇Coco妹個Twitter到今日仲圖文並茂受訓過程，仲有其他學員大合照，相信今年年底有機會成事！
喺未爆出升空計劃前，查實Eva Lovia經已好多News，自年頭勝出Digital Playground 「DP Star Competition」砌低多位索爆姊妹如Alexis Adams、August Ames及Kleio Valentien等後，阿妹更成為DP獨家脫星，坐正做一姐，而DP早幾日更替阿妹「研發」史上首個「飛機手套」名為Dick Bib，現喺籌旗網站Indiegogo集資10,000美元，據官方話呢個手套係劃時代設計，以後男士毋須再用J杯或任何物品，只要戴上呢個Dick Bib手套，即可舒舒服服自娛，佢嘅物料既環保，又可清洗，手套更印上 Eva妹嘜頭，「派彩」後剝去手套，雙手乾淨，正呀！
撰文：祖