好多時候講起女性嘅第一次，總會同痛呢個字扯上關係，之但係係咪一定痛嘅呢？巴西有調查發現，女性嘅初體驗雖然有痛感，但只屬生理層面，而深層次嘅心理反應，則更複雜同多元化，而呢種反應甚至會影響女性一生添！好似對美國脫星Ashley Sinclair嚟講，初體驗只可以用怕醜兩個字嚟形容。
Q：喺好多人，尤其係男人嘅心目中，認為女人嘅初體驗往往係得個痛字，對你嚟講係咪咁樣嘅呢？
Ashley：對我嚟講，初體驗確實有啲痛，只係佢並非成件事嘅全部，反而我覺得怕醜至係令人印象深刻嘅部分。須知道我父親喺海軍陸戰隊工作，因此我自細就喺個極為嚴格嘅屋企成長，亦因為咁我對初體驗相當緊張，認為只有情投意合嘅人先至可以同我經歷呢件事。記得當時有晚，我嘅初戀男友嚟我屋企食飯，跟住我哋就喺屋外父親嘅旅行車車頂上睇月光，然後事情就咁發生。記得當時嘅我相當怕醜，怕到幾乎冇擘開眼咁滯，事關我覺得裸體示人嘅感覺相當奇怪。另一方面，喺咁近距離見到男友裸體情景，同埋見到佢嘅表情時，同樣令我覺得非常尷尬。
Q：呢段咁怕醜嘅初體驗，唔知有冇影響到你日後嘅性生活呢？事關作為脫星嘅你，若然咁怕醜，睇嚟好難喺鏡頭前演出。
Ashley：我相當同意初體驗係會影響女性對日後性生活睇法，以我為例，當時嘅我實在相當怕醜，覺得裸體示人係件好尷尬嘅事。不過當時因為經濟問題，急於要搵錢養自己，咁嘅情況點算好呢？我曾經諗過去做脫衣舞孃，甚至有夜店已經請咗我，只係我覺得真係好怕喺人前裸露，最後我決定成為一位視頻女郎。點解？首先，當然係因為佢嘅收入好同埋工作時間隨意。其次，係因為我唔使直接咁面對觀眾，剝衫時嘅感覺亦比較自在。及至後嚟慢慢習慣咗喺人前演出，先至夠膽成為脫星。不過我到咗今時今日，仍然唔係咁夠膽喺鏡頭前曳曳。
撰文：魂