情趣用品發展到今日，經已毋須再收收埋埋玩，假如你有創意仲可上網集資，等全球網友幫你實現夢想添！近年歐美愈來愈多由用家變設計師，喺籌旗網將創意概念同各位分享，集資後再推出市場，坦白講，呢班業餘設計師無論創意及好玩程度都比一眾大牌更有驚喜，以後各位又多個新興市場買性玩具喇！
香港搞濕身瀡滑梯，如果女士們帶埋呢個Gnarly Rider去就真正爽死囉！查實佢係一個專為浮水柱設計嘅震動器，只要買支浮水棒，再套埋馬鞍形嘅呢件嘢入去，開動個防水震蛋，咁不論你去泳池定海灘，騎咗上去爽都神不知鬼不覺啦！而發明者Ronda Sue仲話喺海中享受高潮係人生最爽嘅事，皆因水嘅飄浮力加上人體嘅重量，時而沉時而彈，用家毋須用力感覺都好似同真人搞嘢咁High。你亦可以透過不同體位，除咗騎乘，亦可以趴或瞓，配合不同海浪節奏嘅「推送」，但用後記得要搵清水洗乾淨先好再用囉！
名稱：Gnarly Rider
售價：待定
網址：www.indiegogo.com/projects/gnarly-rider#/story
Laid係情趣用品界新進品牌，所以唔識都不足為奇，目前產品主要針對女性用家，但坦白講，一般震蛋震棒無甚特別，反而呢個磁石球最令用家嘩然，因為夠晒個人化嘛！據老闆兼設計師表示，個人一直好想了解坊間收陰球功效，同時又對市面上情趣棒得單一尺寸欠缺選擇，於是諗到用簡單嘅磁石球，既可改變情趣棒長度，又可當收陰球訓練使用，一舉兩得。磁石球每粒重1.44安士，直徑約23mm，內置磁石，只要按喜好將磁石球連接就可以爽，簡單方便仲好個人化，正！
名稱：K.1 Silicone Magnetic Balls
售價：約HK$156/4粒
網址：www.pinkcherry.com/k-1-silicone-magnetic-balls
首創免提震蛋，只要放啱位置絕不走位，啱晒囡囡自娛甚至情侶前奏互動，騰出嚟嘅雙手，就可以做其他刺激啦，以上係官方介紹。確實，生產呢個Eva嘅公司Dame Products兩位負責人，正因為係過來人，難以喺市面上搵到件啱使震蛋，因此靈機一觸，決定上網集資改變震蛋界，而玩法非常簡單，震蛋左右有兩條回彈力十足嘅矽膠觸鬚，將佢放喺女性最神秘三角洞邊，咁震蛋兩條鬚就有支撐，達致完全Hands-Free啦！生產商仲話除咗埋身肉搏時用，平日女性亦可當「收陰球」鍛煉下體肌肉，真係一物兩用喎！
名稱：Eva
售價：約HK$819
網址：http://www.dameproducts.com/shop
手機有「自拍神器」，上床都有「自摸神棍」，呢支棍可減輕男士心理壓力，提升女伴快感，體驗前所未有高潮，增加雙方樂趣，唔係神棍係咩？早前喺籌旗網站集資成功後，話咁快就進入投產階段。採用醫用級不銹鋼及矽膠製成，神棍長達30cm，官方表示主要透過「充塞」及「伸縮」同時刺激女士外陰、內陰及G點敏感地帶，用法係將超順滑不銹鋼棒及矽膠伸進體入，然後慢慢拉出矽膠，令棍繼續刺激內部，重複將矽膠進進出出，用家話嗰種快感令人難以形容，總之就係高潮唔識停啦！
名稱：GO-GO Glider Sex Toy
售價：約HK$1,170
網址：www.happyplaceproducts.com/#!the-go-go-glider/cyt5
撰文：祖