有人話女人着重上半身，而男人則重視下半身，意思即係女人相當睇重自己個樣同對車頭燈，男人卻希望擁有一支唔好比人幼同短嘅兵器。姑勿論大家同唔同意呢個講法，現實中有唔少既奇情又浮誇嘅新聞，都係圍繞住女上男下而發生，以下呢三則就係當中一部分。
美國有個53歲嘅熟女，對車頭燈堅到可以打爆個西瓜，比鐵沙掌有過之而無不及！呢位藝名Busty Heart，原名叫做Susan Sykes嘅巨乳熟女，擁有一對34M嘅人造巨乳，早前喺美國一個整形節目《Botched》上，當住兩位醫生面前表演堅波爆西瓜嘅絕技，即時引嚟網絡熱話，只係佢其實早喺30年前就已經憑住堅波成名。話說當年仍為律師助理嘅佢，對車頭燈已相當有分量，喺1986年NBA總決賽時佢捧胸為愛隊打氣時，被現場電視台做緊直播嘅攝影師攝入鏡中，從此一舉成名而令佢決心加入演藝界。多年以嚟佢不但為對燈增磅，更先後去過意大利、日本、俄羅斯等國的電視台表演。家陣佢喺1996年於賓夕凡尼亞開設嘅脫衣舞夜店Busty Heart's Place演出。
之前有調查指男士最愛嘅性愛體位係推車仔，而喺現實世界中，呢位巴西男子就表演佢對推車仔玩法有幾咁熱愛，皆因佢唔單止喺大街大巷度推，而被推者更竟然係貨真價實嘅一架車！話說喺今個月初，短片網站Liveleak出現一名男子，踎喺一架福士Golf汽車後面，然後將兵器隊入死氣喉中起勢咁印，縱然知道畀人影緊，佢仍繼續照印不誤，果真色膽包天！據影片介紹指該片攝於巴西，流出至今已累積超過31萬點擊率，並超過900條留言。對於呢種超變態嘅行為，網友反應相當激烈，有人叫佢放過架車，有人又話佢（指架車）仲未夠秤。
話說早前英國鏡報有報道指，美國一名59歲男子Ivan LeCasque愛佢個女友Victoria Highlander愛到冇得頂，願意幫佢出資4,000英鎊（約48,000港元）進行隆胸手術。喺男友貼心善舉嘅「打動」下，佢決定將先前因胸部過大而要進行縮胸手術，縮到得30K嘅車頭燈回復至30KK。正當大家激讚呢位男友時，有網民就翻開Victoria嘅舊帳。原來佢本身係位裸胸模特兒，多年嚟經常喺網上售賣裸胸短片同寫真搵食，因此懷疑呢單嘢只不過係宣傳嚟。不過有啲網民就唔係咁睇，事關三子之母嘅Victoria係要養家，如果唔靠呢啲嚟搵錢又可以做得啲乜，最重要係喺去年初相識現任男友時，佢曾經喺Twitter上興奮上載同男友共膳嘅自拍照，睇嚟佢真係好愛佢男友喎！
撰文：魂