模影模蹤：柳瀨早紀 巨大肉彈添苦惱

大如人頭

小弟乃係一個狂熱巨乳迷，多年來研究水着寫真以及日本AV都抱住唔大唔睇嘅態度而作出選擇。近年小弟就發現呢班索女屬巨乳系嘅愈來愈多，佢哋雙乳亦愈來愈大，以往去到F-Cup或G-Cup已經好大，但係近年H-Cup嘅亦大有人在，而去到40吋I-Cup呢個幾近極限Cup數，近期就有被譽為水着界巨乳系超新星嘅柳瀨早紀！今年27歲嘅早紀剛出道時除咗因為一對好似人頭咁大嘅純天然40I巨乳而備受注目之外，帶天真稚氣嘅萌系面孔亦一樣受人賞識，水着界更稱佢為「巨乳與童顏的究極組合」。早紀個胸如此之大，身材亦較為肥胖，條腰接近26吋，幸好擁有一身雪白鮮嫩嘅優質肌膚，整體吸引指數依然高企。

胸大之苦

柳瀨早紀喺上年嘅選美比賽汐留寫真偶像甲子園2014登場，其碩大巨乳以及童顏成功惹來注目，雖然未能獲獎，但係對其寫真之路完全冇影響。佢推出嘅首隻寫真DVD《Milky Glamour》銷路極佳，連續幾日成為寫真偶像DVD排行榜嘅第一位，足見人氣之高、吸引力之強。好多人都驚嘆咁表示，以往只能夠喺動漫見到嘅超巨型胸部喺現實之中亦確實存在。早紀憑住一對I奶成功谷爆人氣，但同時表示胸大其實有好多苦惱。平時同人打招呼或傾偈，對方嘅視線往往集中到其巨胸。衣着方面，阿妹買泳衣又好難搵到適合上圍嘅尺碼；着連身裙就慘喇！因為上圍太大，背部嘅拉鏈好難至拉得上。至於去行街買生果，阿妹成日被老闆笑指其巨胸大過店內嘅蜜瓜。返到屋企休息，早紀好多時都要將巨胸放到枱面托住，因為負擔實在太重呀陰功。

個人博客

柳瀨早紀近期嘅工作以拍攝寫真為主，佢會喺博客當中上載好多相關花絮照片，絕大部分都以水着現身，想欣賞早紀嘅超級巨乳不妨多多留意。

網址：http://ameblo.jp/saki-yanase/

柳瀨早紀Profile

年齡：27歲

身高：5呎

三圍：40I-26-35

撰文：賢