早前於本欄同大家講過，日本AV廠IdeaPocket一度風光一時，但係近期就陷入女優流失嘅危機當中，原因係廠內女優有好多都處於休養狀態，唔能夠推出新碟，仲有纖巧小美人希志愛奈剛剛喺DMM大賞中宣布今年年尾引退，令I廠雪上加霜。當然廠方都唔係坐以待斃，努力發掘新人，即使連只答應拍一隻碟嘅新人都唔放過，就好似瀨古朝陽咁。今年20歲嘅朝陽妹清純可人，被形容為純潔無垢，雖然質素超班，但係據聞佢只係兼職拍AV，搵完一筆錢就走人，故今次同I廠合作完全係「一碟限定」。然而，I廠一樣照殺，除咗因為對朝陽有信心外，根據往常嘅情況，標榜一碟限定嘅作品通常都會被AV迷視為收藏瑰寶，銷售理想，或多或少都能夠為陷於水深火熱當中嘅I廠頂得一陣。