十八禁遊戲係咪一定要有曳曳場面？日本著名遊戲公司Hooksoft就話畀大家知，鹽花固然唔可以冇，曳曳場面卻唔一定要有，而佢哋更將呢個諗法付諸實行，推出公司成立15周年嘅重頭作品《星際旅行-Traveling Stars-》，等大家明白乜嘢叫做有色情冇床戰嘅鹹Game。故事以未來世界嘅一個島國為背景，某日男主角獅堂相馬突然肩負起代表全世界，以特使身份同異空間嘅魔法世界進行交流嘅重任，同時要獲得佢哋嘅魔法知識。起初相馬覺得好無助，隨住獲得巨乳女精靈、火辣女吸血鬼、好色小魔女等幫助下，不但順利返回地球，更開設咗專門傳授魔法知識嘅學校。從呢日開始，相馬正式過住春色無邊嘅學園生活。