四、五十歲嘅女人被稱為虎狼之年，對性要求愈來愈強烈，之但係30歲嘅女人一樣不容忽視。飲酒睇波係人生一大樂事，而日本球迷好快又多一個滿足兩者嘅好去處。坐船一定要坐定定，但係有班大膽嘅舞孃居然喺船上大跳鋼管舞，認真藝高人膽大。
日本一向係男尊女卑嘅地方，不過大家如果有睇日本AV，會發現愈來愈多癡女同女王系列，反映出當地女性地位開始提高。早前日本有調查邀請約300名年齡介乎30至39歲嘅女性協助，發現當中有68%認為得唔到性滿足、55%覺得滿足自己性需要嘅唔係丈夫而另有其人、32%希望可以做主動嘅一個，而唔係經常被動嘅角色。結果顯示，日本三十來歲嘅女士對性生活嘅要求高咗、需要亦大咗，各位男士如果想搵日本妹做老婆，請先考慮一下自己嘅能力是否足夠喇。
來自美國嘅Hooters餐廳世界知名，除咗因為全球擁有超過四百間分店嘅連鎖式餐廳集團，以體育為主題，仲因為佢哋精挑細選美女做侍應，仲會以熱褲小背心侍客添。最近，消息指佢想嚟香港落户，不過香港如此多衞道之士，各位男士都唔好抱太大期望喇。然而，Hooters好快就會喺日本新宿再開分店，當日仲會請到2013及2014年Hooters小姐冠軍做嘉賓添。
去旅行有人會選擇自駕遊，亦有人會選擇坐郵輪，後者嘅好處在於船上設備齊全，且有好多娛樂設施，就算隨船去到某地方唔鍾意當地風光都唔使怕悶。但喺內地一艘觀光船冇乜娛樂設施，乘客卻開心又高興。該船由黃河三峽到河南濟源，為咗幫乘客解悶，甲板上就上演一輪又一輪，由火辣性感舞孃表演嘅鋼管舞！當日舞孃施展渾身解數，令乘客們個個睇到眼瞪瞪兼拍爛手掌，於旅程中興高采烈，但係佢哋嘅目的唔係觀光咩？
撰文：賢