AV達人：DMM大賞 湊莉久爆冷奪獎

麻美做司儀

日本AV界近年頒獎典禮搞完一個又一個，雖然各個頒獎禮都有山頭主義，獎項未必做到公平、公開、公正，之但係得獎嘅女優同作品每每都廣受AV迷肯定，實在唔需要計較有冇黑箱作業之嫌。而繼Sky PerfecTV成人放送大賞之後，最盛大嘅頒獎禮莫過於早前順利完成嘅DMM Adult Awards 2015（下稱DMM大賞），由日本最大型嘅AV銷售網站DMM籌辦，故獎項極具代表性，亦極受AV迷關注。頒獎禮當日於東京豊洲PIT會所進行，喺宣布各獎項得主之前，大會邀請Color-Code、Steam Girls、Charisma.com等樂壇組合上台表演，為現場上百位觀眾帶來勁歌熱舞。除咗欣賞表演之外，好多觀眾對女司儀亦甚為留意，因為佢就係早前患上卵巢癌現處於康復階段嘅巨乳天后麻美由真，見到麻美精神奕奕，唔似之前瘦如火柴人，AV迷都深感高興。

又驚又喜

表演完畢，司儀就公布各大獎項得主。首先係最受注目嘅大獎——「最優秀女優獎」，得主唔係吉澤明步，亦唔係Julia，又唔係小向美奈子，居然係現年21歲嘅初生之犢湊莉久！呢位纖巧小淫娃聽到自己個名由司儀讀出時，表現得又驚又喜，頻頻驚呼，唔相信自己得獎，其實我諗好多AV迷同湊莉久一樣都唔多相信。老實講，湊莉久上年雖然產量多，表現亦算出色，但係相對於明步同Julia等就唔見得突出，難怪上屆得主上原亞衣頒獎畀莉久時都有少少嘴藐藐。而Julia亦可能唔忿氣，喺後台只同天使萌合照，避開湊莉久。

提到天使萌呢位妹妹仔又真係威水，繼勇奪Sky PerfecTV成人放送大賞「最優秀新人獎」之後，今次冧莊再奪得相同獎項，叻女！至於「優秀女優獎」就由G奶媽媽白石茉莉奈奪得，有人話DMM咁做除咗表揚茉莉奈嘅努力，仲有意為DMM嘅老闆北都集團招攬茉莉奈。其餘獎項方面，「話題獎」由本世紀最強美少女偶像櫻由羅獲得，「特別表現獎」得主就係人妻女優東凜，小島麻奈美奪得「媒體獎」，仲有個「特別獎」就頒畀希志愛奈，愛奈上台拎獎嘅時候卻公布一個令人傷感嘅消息，就係今年年尾會引退，真係好唔捨得佢呀！

撰文：賢