男人圍埋吹水都好鍾意天南地北乜都傾一餐，呢四個方向竟同男人有關，今次一於以南同South為題，睇吓佢哋喺情慾字海中，有乜嘢情色俚語、四仔故事同AV女優，會跟呢個字扯上關係。話時話，以下幾個詞語唔知大家又識得邊一個呢？
按字面睇嘅話，「South Side」解作南面，只係喺美國嘅情色俚語中，佢又代表乜嘢意思呢？答案就係臀部。據講臀部之所以有南面之稱，在於佢哋覺得女士胸前對車頭燈為北半球，因此同樣圓渾嘅臀部便稱之為南半球，其後呢個詞語亦慢慢可以用喺男士身上。講到露出最多「South Side」嘅衣着，如果話係丁字褲相信冇人會反對。丁字褲又稱為T-Back，只係講到最正宗叫法應係G-string。事關呢個詞語早喺19世紀已經出現，當時嘅印第安人將用嚟綁住遮上重要部位嘅繫繩稱為Geestring，其後演變成用嚟稱呼細小嘅腰布，最後便將佢套用丁字褲呢種咁細小嘅底褲上。
能夠成為美國AVN名人堂嘅一員，佢哋都係對成人業有莫大嘅貢獻，當中有位喺1995年被列入名人堂嘅人物，有着舉足輕重嘅地位，佢就係Jim South。事實上，佢唔係男脫星，亦唔係四仔導演，而係一間人才中介公司嘅老闆。先後做過保險經紀，同開設時裝模特兒中介公司嘅佢，喺1976年移居加州，並開設專門發掘四仔脫星嘅中介公司World Modeling Talent Agency。憑住出色嘅眼光及交際技巧，多年嚟不但發掘出唔少四仔天后，當中包括Shauna Grant、Marc Wallice、Ginger Lynn、Savannah、Katie Gold等，又將佢哋推上事業嘅高峰。雖然公司喺2006年11月因財政問題倒閉，但喺2007年12月5日佢宣告回歸，至今仍積極發掘年輕又有潛質嘅脫星。
「Go South」直譯嘅話即係向南走，只係喺情色俚語中佢解作吹口琴，亦即係男人幫女伴進行口技表演咁解。心水清嘅人一睇就知點解有咁嘅解釋，皆因女性嘅黑三角位於下半身，咁你嘅視線向下移嘅話，就同向南走差唔多，故此得到呢個俚語。其實呢個詞語對想尋花問柳嘅美國男士嚟講，如果佢哋向南走嘅話，又真係會有好嘢玩。原來喺南美洲眾多國家中，除咗圭亞那同蘇里南，及冇相關資料嘅法屬圭亞那外，絕大部分嘅性交易同開設妓院都係合法，只係要留意當中嘅秘魯、阿根廷及巴西雖然性交易合法，但開設妓院卻係違法。換言之，北美男士只要一路向南，就可以攞正牌梳乎。
每當提起日本已引退多年嘅AV女優南波杏，大家嘅焦點總會集中喺佢嘅AV事業上，卻忽視佢其實係位多才多藝嘅索女。呢位喺1984年3月7日出生，於2002年出道嘅女優，及至喺2008年2月宣布引退時，共推出高達101套嘅作品。此外，佢從2003年至2005年期間，連續3年獲得MOODYZ大賞嘅「最優秀女優賞」。不過，佢除咗床技精湛同演出誘人外，鏡頭外嘅佢亦才藝多多。首先，作為打機迷嘅佢不但打機好耍家，仲憑住出色嘅文筆喺電玩雜誌《CONTINUE》上開設Game評專欄。其次，佢相當鍾意閱讀，尤愛日本著名推理作家島田莊司嘅「御手洗潔」偵探系列。佢睇完不特止仲要寫埋讀後感，有次島田睇咗佢嘅感想後，特別開見面會對佢道謝，足見佢嘅睇法有幾獨到同深入。
撰文：魂