吸血殭屍呢類題材永恒不死，不過悶啲囉！咁假如變成專搵女吸血嘅殭屍男，吸血前仲要執一劑又吸唔吸引到你追睇呢？長篇驚慄色情小說《Kiss of Midnight》，作者Lara Adrian寫到以殭屍男Gabrielle Maxwell為首嘅一班殘忍又鹹濕殭屍，每逢入夜就群起出動尋找獵物，拖入樹林先執劑勁，然後吸血殺害，而同時間，一位自稱「 獵人」Lucan Thorne收到風，決定入村將殭屍制服，無奈呢位獵人都唔係好人，事關佢只會喺殭屍「犯案」後先會出動追捕，並不會出手相助替受害者解圍，眼白白睇住女受害者死都無動於衷，好殘忍囉！雖然Lucan Thorne冷漠無情，但當佢遇上一位索妹後，竟然產生愛慕之情，誓要用生命保護對方，究竟佢有冇能力全天候守護呢？