你以為女神引退先會公布？其實男神都需要，皆因佢哋都要向公眾交代嘛！好似，下個月踏入52歲嘅意大利男神Rocco Siffredi，佢嘅粉絲遍布全球，且不分男女，更有不少囡囡自爆為咗一嘗同男神翻雲覆雨而入行做脫星。Rocco於30歲入行，唔經唔覺砌咗廿幾年，一直表現有心有力，可惜佢早前宣布引退。Rocco表示呢廿幾年嚟演出超過1,300多部四仔，同7,000件女同床，所以好感謝守護佢多年嘅老婆Rosa，打理好頭家，令佢可以喺事業上不斷向上「衝」。Rocco話一直以來都只掛住賺錢而忽略咗老婆，人生踏入50年頭，發覺老婆先係最重要。不過，業界似乎對Rocco哥引退反應不大，莫非好多人唔Like佢？非也，查實佢又係退下火線唔退市，Rocco既係男優又係導演，近年更做埋監製兼發行，家下退位益吓後輩，自己專心做幕後賺大錢，仲邊使落床擔擔抬抬賺辛苦錢，之不過男神「技癢」落床過兩招就另計！