有光棍巴打話今年一定要脫光，又有AV迷巴打話睇完套片後成晚眼光光，其實係咪同光相關嘅詞語都係唔好嘅呢？咁又未必！事關喺情慾字海中，有唔少同光及Light有莫大關係，當中更有一啲床上玩樂俚語，不但唔會令男士眼光光，仲會玩得相當過癮添！
用句歌詞「明明綠燈，轉眼變成紅燈」嚟形容呢句情色俚語「Red Light, Green Light Sex」就至啱不過。點解？皆因呢句說話嘅意思，係指當兩夫妻有咗小朋友之後，往往因為細路嘅問題，而搞到情慾高漲時突然要煞停，結果要將滿腔慾火狠狠地壓下去。例句：老公情深款款咁同老婆話：「Honey, I'm in the mood.」（寶貝，我家陣好慾火高漲。）老婆卻講：「Sorry honey. I have to go pick up the kids from school soon.」（對唔住呀老公，我家陣要去學校接細路。）老公就好唔開心話：「Ever since we had the kids, its been nothing but red light, green light sex !」（每次都因自從有咗細路後，性生活往往要急煞停！）
中文形容好快嘅性愛抽送動作，好多時會用活塞運動嚟形容，而喺英文中則會用「Strobe Light Sex」呢個詞語。意思即係用喺相機上嘅閃光燈，而成個詞語嘅意思則係話男士嘅抽送就好似閃光燈連閃咁快！雖然不論中外嘅男士，都覺得抽送頻率相當重要，但實際上有乜客觀嘅數據可以證明到有幾快呢？以前就冇呢方面嘅數據，只係遲啲就會有喇！皆因情趣用品商Bondaravmb將會推出一個名為SexFit嘅雞公環，佢可以透過手機App計算出男士抽送嘅次數同速率，仲可以將相關數據放上網同老友分享，以證明自己床上有幾咁高速。
咪以為一套出色嘅四仔，只係女主角先至畀人留意到，就算係配角都可以吸引到大家嘅目光，就好似呢套由四仔片商B/G By Skow Digital製作，B. Skow執導嘅作品《Sweetness And Light》咁，不但受到四仔迷追捧，片中嘅女配角Siri更憑住呢套作品，喺今年舉辦嘅第32屆AVN頒獎禮中獲得最佳女配角嘅提名。故事講述Dan同Rachel係對暴力夫妻，雖然經常拳來腳往，但又好愛對方，最重要係鍾意齊齊出去獵艷。有次Dan遇到索女Siri並同佢上床，卻估唔到原來Siri竟然早同Rachel有曖昧關係，其後更發現大家嘅關係相當複雜。
光月夜也最正嘅地方有好多，好似混血兒嘅樣貌、誘人嘅紅唇、修長嘅美腿同埋超出色嘅口技，都係令人忘記唔到呢位AV女優。喺1975年10月7日於日本東京出生嘅佢，1993年開始任職風俗孃。據佢講由於自細唔鍾意讀書，最愛溝仔，其後更唔小心搞大咗個肚，為咗搵食惟有喺風俗店工作。1996年4月佢以星野南之名出道，並為Athena映像演出AV處女作《美神之唇》，同年改名為光月夜也。憑住冷艷嘅外形同埋出色嘅吹奏技巧，加上當年日本經濟相當差，故此佢嘅出道馬上引嚟大家注意，作品銷量之高更令佢獲得「AV片商救星」嘅美譽。2004年宣布引退後曾喺小田原市開設酒吧，結果未夠百日就結業，只好回歸風俗業，喺2008年宣布復出後，其後於2010年3月正式引退。
撰文：魂