脫星做慈善有得諗咩？唔只有得諗，仲有得做，好似「HotMovie.com」咁搞得有「星」有「色」，冠以慈善鹹網之名，不只巴打Like，連外界都覺得好有善心，再者善款真金白銀，作為受惠者嘅機構又點會抗拒先？
歐美脫星確實好有善心，每次有姊妹出現經濟問題，佢哋總會出錢出力企出嚟撐，但你話搞大型慈善活動就唔多見。最近四仔網購網站「HotMovies.com」舉辦慈善活動名為「HotMovies.com 2015 Porn Star Tournament」，網友反應非常踴躍。其實是次活動只係一個「我最喜愛脫星」投票選舉，不過就好有善心，由候選脫星負責籌款，所有籌得款項會全數捐贈予社福機構，同時網站亦會捐出500美元做公益。呢個活動咁有意義，難怪得到巴絲打支持，爭住投票。
係咪真係咁有善心，細佬冇興趣理會，但可以肯定嘅係網站成為大贏家囉！點解咁講？首先，64位候選囡囡都唔係該網站旗下脫星，只不過佢哋嘅四仔有喺網站售賣，簡單講，佢哋係畀面參加活動，仲要自己諗計籌款，你話網站係咪零成本搞騷先？其次，囡囡落力籌款，結果所有功勞都歸畀網站，仲有陪跑嗰班女輸咗桔都冇個，呢啲咪叫打完齋唔要和尚囉！更陰功係，落敗囡囡有怨無路訴，假如企出嚟指罵網站，又被外界誤以為輸唔起好小器，結果惟有吞聲忍氣。
至截稿日為止，64位候選脫星已進入第4輪選拔，餘下4強進入最後直路，分別係Adriana Chechik、Georgia Jones、Tanya Tate以及咪神Siri，邊個係大熱門？睇過往歐美四仔新聞及人氣，當然係Siri佔絕對優勢啦！論輩分一定係Cosplay王后Tanya Tate，但講索，索到爆嘅Georgia Jones肯定無得輸。早前成人新聞網站XBIZ就報道Georgia妹進入4強，「曲線」幫佢宣傳，報道指阿妹為咗籌款，不惜坐街行乞，睇到班粉絲好傷心！至於最後邊個脫星勝出，大家拭目以待喇！
撰文：祖