宅男天地：水着巨乳尤物

日本有唔少動漫作品嘅角色，佢哋嘅模型長出長有，而出自南韓作家林達永及漫畫家金光鉉手筆嘅日本動漫作品《結界女王》，當中嘅女主角莎堤萊薩‧艾爾‧布麗姬就係其中之一。佢之所以吸引咁多人捧場，皆因佢嘅身材相當出眾，長腿同纖腰固然迷人，只係都及唔上一對巨乳誘人，難怪迷倒咁多人成為佢嘅裙下之臣。今次佢以性感比堅尼貓女造型登場，明顯細咗幾個碼嘅比堅尼，令對巨乳更加有睇頭，胸前深溝輕易吸引大家嘅目光，而一對修長美腿擺出M腿甫士，更令迷人指數大幅飆升！