夜場新聞：呃騙呃騙蹺妙多變

夜消場 不消夜

港人叫消夜，內地叫夜消，有人話係廣東話同普通話嘅分別，但唔好拗邊個先啱，總之都係想「食嘢」啫！但食嘢對男人就有兩個意思喇，究竟係大要食定細要食？前者可以光明正大，相反細佬肚餓，喺今日嘅內地確實有啲難度呀！事關你唔怕死，囡囡都怕衰，所以東莞、常平甚至深圳新興咗一種叫「夜消場」或「夜消店」嘅物體，既方便網絡討論，又方便實體經濟對號入座！呢類店舖好易搵到，你只要喺一啲無乜人出現嘅暗街窄巷，然後見到一支支「黃旗」，上面寫住「消夜\夜消」有幾個燈膽射住咁就搵啱路。跟住門口有幾個鐵兜，炒粉麵飯加個「麻甩主持」就係咁多。你唔會搵到餐牌，更無廚師或侍應服侍，咁嘅場點會係真消夜呢？曾經有巴打話「等女」期間見過有生客闖入，真係以為有消夜食，結果被「老闆」以打烊為由打發離開，情況都幾搞笑。講到尾，消夜場只不過係髮廊、倉仔、骨場或夜場混合體，目的都係掩人耳目「散女」為實。「消夜」無非係食字，「宵」解春宵，心邪嘅更可解「簫」，夜，解「過夜」加埋支黃色旗，咁咪「嫖」囉！

網模妹 玩騷勞

色情視頻喺兩岸流行程度，真係未玩過會畀人笑！市場咁大，囡囡又點會少呢？有傳聞過萬位昔日東莞夜場PR都轉型做視頻妹，邊做邊等夜場「光復」喎！的確有視頻妹搵到食，可惜要同巴打單打獨鬥再同網站對分先賺得雞碎咁多，好多囡囡都嫌未夠進取。近日有夜場媽咪諗到「絕橋」，將全國網絡最起朵嘅視頻妹帶入夜場，零距離進場「騷勞」畀巴打睇，閣下有錢可以包廂，嫌重皮約埋「三五知己」一齊睇又得。將喺視頻玩嘅嘢搬到眼前，咁同艷舞有乜分別？其實冇，只係距離近咗，囡囡會玩震蛋震棒自娛，無跳舞咁悶囉！有巴打嫌貴，但亦有人話值得，咁真實價錢當然唔會平啦，有傳一線「視頻妹」，20分鐘收費千五人仔，若然三個客以上則另議，不過所謂「一線」其實係呃人，夜場根本唔會請，客人亦唔會願畀，實實際際請番啲PR做騷，15分鐘收五、六百，咁巴打咪覺得好抵，但咪忘記夜場設最低消費，賺到酒水，囡囡有工開，媽咪有佣抽，客人滿足慾望， 四Win呀！

一樓一 呃麻甩

啲叔父輩總以為人生經驗豐富，好叻好醒好威威，其實最易呃，好似一班個體戶一樓一話，咪以為叔父客奄尖聲悶好麻煩，查實只要畀啲耐性佢勞嘈一陣就好易搵到位呃佢。有位肥中女姊妹手頭有幾位叔父客，唔識上網又用智能手機，平均一星期幫襯一鑊，除咗肉金外，肥中女最鍾意呃佢網購買衫。原來佢趁未開波前，以陪養感情熱身為由，攞出平板電腦坐客大髀一齊上內地網購購物，買嘅當然係所謂情趣內衣同玩具，之不過啲叔伯又唔識網購，又唔知價，中女篤吓篤吓揀得興奮，呢件話靚嗰件話Sexy，最後叔父乖乖畀錢，佢話冧掂一個叔父，好過接十個客。又唔出奇噃，肥中女搜尋嗰啲百幾兩百蚊人仔胸圍底褲呃叔父，實情只係十幾廿元貨色，一套「戰衣」加個震蛋，埋單都七舊水港紙，最離譜係，佢根本就冇「購」只係放入「購物車」，咁就呃到叔父以為買咗，到下次光顧，一係攞啲舊嘢當新，再唔係就話未寄到，怪就怪叔父自己鹹濕啦！

撰文：祖