早輪澳門事件，夜遊行業中人大都誠惶誠恐，有本錢的高層更紛紛行開避避風頭，「影相都唔好住啦，嚇親女仔就煩死啦。」一位認識多年的桑拿經理對我說，這種緊張狀況，近年在那邊不時都會出現，從前歌舞昇平，雖然未至於像東莞的被掃得七零八落，但氣氛早就不同了，除了客源、女源都因為各種政策理由大受影響，最讓業界中人憂心的，還是會不會惹官非的問題，「依家打工仔喺澳門多好多出路，無謂冒風險，所以有唔少人都轉行o架啦。」
一段時間沒有過去，早前趁機跟一位玩家老友去走一走，發現雖然人流少了，但整個場的氣氛反而「舒服」了，「係呀，早兩年過去沖涼，夜晚幾乎間間場都爆到九彩，星期五、六就仲恐怖，囡囡見咁多客喺外面，好多都趕喉趕命，我就試過個女因為我做得耐有面色畀我睇，嬲得我！大佬，我畀得咁多錢，我唔係北上玩三幾百蚊喎。」玩家老友說，「呢輪人少，上去玩，啲女仲耐性咗、投入咗，我同班朋友都多咗過去。」世事邊估到o架。
撰文：黃韋龍