台灣有女大學生飲醉酒被人「執屍」（抬走），但半小時後竟完璧歸趙送回，究竟發生乜嘢事呢？阿根廷牧羊人身旁嘅稻草人，佢嘅性別竟引起網友熱切討論。英國多仔公四十年嚟生咗四十個子女，真係一年一個，年中無休！
台北有個女大學生同朋友去夜店玩，懷疑不勝酒力，被人「執屍」，朋友發現女大學生不見了，於是四出尋找，見女生出現停車場，正被一男子抬上車，問男子做乜嘢？男子話彼此認識，所以送佢回家，但被問女生姓名時，男子一怒之下開車離開，同學們大為緊張，於是報警，擔心女學生會慘遭失身。但半小時後那男子竟送回女生，大家都唔知點解時，女生甦醒發覺只唔見咗名牌手袋，到此至知那人只想劫財唔係劫色！
前陣子有個阿根廷嘅牧羊人陳屍家中，由於衣衫不整，兼且身邊有個用稻草紮成嘅稻草娃娃，因此大家都懷疑佢同稻草娃娃激戰時突然心臟病發死亡，仲有人話佢係激戰至「精盡人亡」添。詳情係點？有待法醫證實，但有網友就對稻草娃娃嘅性別十分感興趣，大家都爭相討論，因為佢戴上假髮，塗上口唇膏，明顯係女性造型，但佢身上仲掛條六吋長嘅假陽具，就令案件更撲朔迷離，稻草娃娃究竟係男定係女，抑或係超重口味嘅男女混合體呢？
英國有個56歲嘅失業漢，由17歲開始一直到現在合共生咗40名子女，真係一年一個，呢位巴打自認最喜歡做愛，但就唔喜歡避孕，所以就生咗咁多仔女，好彩生仔嘅唔只一個，佢結過三次婚，另外仲同17個女人發生過關係。佢好少認真做嘢，每天都只顧吃喝玩樂，據講佢會一直維持呢種生活落去，隨時又做老竇呀！大家都奇怪佢點養啲小朋友，我哋一個都養唔掂，佢養40個咁多，原來佢抱住天生天養，養唔掂就交畀政府養，真係服咗佢！
撰文：小德