熟知日本AV行業嘅朋友們都知道，AV廠為咗催谷作品銷售無所不用其極，當中包括唔少呃人伎倆，有幾次聲稱女優係某大學女生、曾經參加過乜乜運動會等，但好快就畀AV迷認出該女優早已喺AV界打滾多年。不過，今次桃太郎映像力谷嘅新人麻衣就屬半真半假喇。桃太郎聲稱麻衣係知名嘅YouTuber，憑住上載一段出浴片而取得極高點擊率，仲話經桃太郎極力游說先肯下海，更挑戰人生第一次3P。然而，AV迷又係一眼識破謊言，呢個麻衣其實就係前IdeaPocket專屬女優玉城麻衣，其AV演出經驗豐富，莫講話3P，一片內激戰百人嘅《百人斬》系列都拍過。但係話麻衣係YouTuber又冇錯，事關佢閒時又真係成日上載片段到YouTube宣傳自己，當然係咪知名就另作別論喇！