望住舞台上嘅艷舞女郎剝衫，而台下嘅男士就拎住杯啤酒喺度流晒口水，係唔少人對睇艷舞人士嘅印象，只係睇艷舞係咪就係咁樣呢？位於法國巴黎嘅著名夜店Secret Square，就提供一種糅合視覺、聽覺同味覺嘅非一般艷舞娛樂畀大家。
於2009年開業嘅佢，一開始就將夜店定位做艷舞餐廳，故此佢嘅店內設計跟足法國餐廳一樣，以紅色嘅餐枱同餐椅，打造出一個華麗嘅空間，而喺店中央則設有一個圓形舞台，讓大家可從店內任何一個角落，都欣賞到既養眼又時尚嘅艷舞表演。有去過嘅玩家表示，佢哋餐飲質素相當高，而艷舞演出更係相當特別。事實上，艷舞女郎嘅舞蹈都經過專人排練，演出固然新鮮感十足，亦令玩家每次去到都有唔同嘅感覺。不過提醒大家，佢每個星期日都係女士之夜，艷舞亦轉由男舞蹈員演出，大家千祈唔好去錯呀！
撰文：魂