正所謂同行如敵國，女優們喺AV界已經不時傳出有紛爭，嚟到樂壇同樣要鬥一番，好似最近棉花糖3D與新組合Asterisk*同台較量，仲愈鬥愈過火添！
小弟成日都話做日本人，特別係日本男人零舍幸福，唔係因為日本靚女多，性格又溫柔，而係AV女優們不時大搞活動娛樂，甚至係親身招呼粉絲。此外，為咗報答粉絲支持，AV女優經常招募素人男優合演AV，又搞簽名會、握手會及攝影會同粉絲近距離接觸，除此之外，近年AV女優仲會聯合起嚟一齊開音樂會，不但可以欣賞女優表演，觀眾仲可以上台玩埋一份。早前知名巨乳AV女優組合棉花糖3D就夥拍由涼川絢音、櫻由羅、青山未來組成嘅新組合Asterisk*舉行音樂會，當日兩隊組合輪流上台載歌載舞，搞起氣氛之後，就邀請現場觀眾上台，由女優送上香吻，見到幾個幸運兒畀女優們圍住嚟咀，相信佢哋身體某部分只有升冇落喇！
上半場氣氛一片和諧同融洽，現場觀眾都以為兩隊組合感情要好，之不過嚟到下半場氣氛就一百八十度轉變，即刻上演一場龍爭虎鬥，大會安排佢哋進行三場大比併，主題分別係視覺、觸覺同味覺。視覺比賽需要兩隊隊員喺完全冇圖像參考之下，畫出日本千葉縣船橋市嘅吉祥物船梨精，由於Asterisk*實在畫得太肉酸，結果由棉花糖3D隊先拔頭籌勝出。
第二回合鬥觸覺，兩隊輪流派隊員伸手入一個神秘箱子當中，用手摸吓入面有乜，結果係兩隊嘅玉手都觸覺敏銳，估十次都中晒，和局收場。最後第三回合就過癮喇，我係指男觀眾，因為大會抽出幾位男觀眾上台，由佢哋手執各種長形物件，然後由兩隊隊員蒙眼再用舌尖感受一下物件係乜，棉花糖3D嘅隊員連香蕉都試唔出，最後就抵佢哋要派三位成員接受懲罰，齊齊品嘗男觀眾用手執住放於胯下位置嘅雪條喇！
撰文：賢