機會成本，每日大小事件總會遇上，但通常係發生喺無關痛癢事件上，點及得裸模Bexie Williams苦惱到兩者只能選其一，揀錯就返唔到轉頭呢？但假如你係阿妹就揀都唔使揀，直接落場剝衫，畀男人欣賞個夠，好過落場打生打死啦！
24歲人生，總係有好多理想目標去實踐，英國妹Bexie Williams自稱熱愛摔跤，未當裸模前，志願做一名綜合格鬥運動員，自細學習泰拳、跆拳道及巴西柔道，對於一切埋身肉搏運動都極有興趣，難得阿妹波哋結實得嚟又齊架生，天然咪咪達30E兼有對超長白滑索腿，不只男人，睇怕連女士都好想知佢點操番嚟囉？
完成學業後，Bexie想為收入及理想平衡發展，決定邊做Model邊投身格鬥運動界，憑住天賦條件，阿妹同時向多間Model公司，如Purpleport, Purestorm 及ModelMayhem「掛牌」，藉以增加工作機會。阿妹自爆第一次演出就係替格鬥比賽宣傳，佢話踏入場地感覺大不同，過去入場睇比賽係為選手吶喊助威，如今踏上擂台接受台下男女歡呼，感覺就好似自己落場比賽一樣咁興奮，亦因為今次為佢打下強心針，立志要做正式選手，不過現場觀眾亦因為今次，發現體育界有件咁高質素嘅Promoter，群眾壓力要求阿妹繼續出場！問題嚟喇，期待多年夢想終有機會實踐，點知被外界發現有潛質做Model，機會當前你會點揀呢？
今日Bexie成為一名出色裸模，喺英美兩邊都咁多粉絲，你當然知佢點揀啦！之不過當日被網友及親人慫恿做Model，阿妹話機會成本好難抉擇，而最終令佢選擇放棄志願，原來係怕失去太多喎！阿妹喺訪問表示，格鬥運動係夢想，但業界太多人才，擔心唔夠人砌兼且運動員生涯短暫，怕將來無以為繼。更擔心喺台上太硬朗會嚇怕男人埋身，種種未知之數令佢決定利益行先，搵夠錢先落場同人鬥，就算失敗都無後顧之憂喎！咁識計數就抵你上位啦！喺大前年開始Bexie仲係性感模特兒及Promoter雙線發展，直到前年才過美國全職做格鬥運動宣傳女郎，負責舉牌及響鐘，阿妹被「勸誘」剝衫嘅呼聲更高，直到舊年返倫敦搵食，阿妹才決定豁出去，識得先益自己友，難怪人氣愈升愈有啦！
雖然Bexie名成利就，睇怕都唔會再諗返轉頭落場砌，之不過佢仲日夜開口埋口都話鍾意格鬥，得閒又上雜誌分享心得，你話係興趣，我就話係宣傳伎倆喇！呢期阿妹主要喺Cosmid及 Only Tease寫真網站影寫真試水溫，主題以內衣為主，簡簡單單輕輕鬆鬆就收工，理想嘅嘢，都係用嚟幻想吓算啦！
簡介：阿妹入行雖然耐，但剝衫日子唔算長，家陣佢喺APD及 Cosmid網站演出最多，可惜乜都係錢行先，想睇佢免費晒波，最好去呢個社交網，事關阿妹更新得好密，一有新工作就醒各位，更可知佢未來動向，記得實喇！
網址：http://bexieukmodel.tumblr.com/
出生日期：1991年9月15日
三圍：30E-24-33
身高：5呎7吋
撰文：祖