有人認為酒吧係溝女勝地，只係艷舞夜店雖有酒吧，但好似唔係溝女嘅地方。咁諗就真係錯晒喇！皆因位於奧地利維也納嘅人氣艷舞夜店Element 6，莫講話可以邊睇艷舞邊溝女，喺度仲有可能反過嚟畀女溝！呢間酒吧嘅設計可以話係充分體現簡約主義嘅神髓，偌大嘅大廳相當簡潔加上極寬敞嘅空間，縱然設有大型舞台、酒吧區同多個梳化位，仍一啲都唔覺得擠迫。
不過講到重點卻非大廳，而係佢嘅大床式廂房。廂房內以大床取代座椅同梳化，讓玩家可以喺相當舒適嘅狀態下，選擇同老友玩樂或者叫艷舞女郎入嚟表演。當然，最好玩嘅地方莫過於佢並唔係男士專享嘅地帶，透過夜店每晚唔同嘅主題派對，好似性感之夜、暗黑玩樂、皮衫激情等，吸引到眾多嘅女士入場玩樂。正如該店介紹稱，從一開始佢哋就將夜店定位為男女無限制交流之地，因此稱佢為放蕩男女地帶一啲都冇講錯。
撰文：魂