喺中文嘅情慾字海中，熱同性愛扯上關係，最多係話一場床戰玩得火熱。但喺英文同日本AV世界中，卻有唔少字同Hot有密切嘅關係，不但透露出男女潛藏心底嘅慾望，更帶領我哋進入官能享受嘅情色世界，情慾不自覺地Hot起嚟！
明明人類都冇尾巴，點解會有「Hot-tailed Woman」呢個按字面解做熱尾巴女人嘅詞語出現呢？其實佢並唔係咁解，而係指一啲淫蕩又主動嘅女人。原來有啲動物喺發情期間，佢條尾會起勢咁搖擺，呢個動作會稱之為「Hot-tailed」，因此當用喺淫娃身上時，便出現咗呢個詞語。不過話說回來，係咪主動嘅女人會受男士歡迎呢？咁又未必喎！據英國網站Netmums一個喺2011年進行，關於女性性生活調查顯示，喺3,500名受訪女性中有過半數表示會主動求歡，只係當中有近半數嘅女士表示，喺求歡時遭伴侶拒絕。從呢個結果睇，主動嘅女性未必次次都能打動男士。
「Hot Beef Injection」係一個情色俚語，意思解做一個女人同兩個或以上嘅男士曳曳。之但係曳曳就曳曳，點解會同「Hot Beef」亦即熱牛肉扯上關係呢？咁就要講番呢個詞語嘅起源喇！原來早喺17世紀，就已經稱妓女做「Hot Beef」，而濫交嘅女士就同佢嘅情況差唔多，於是就出現呢個詞語。雖然喺今日好多人嘅價值觀中，妓女都係一個低級職業，但喺17世紀時嘅歐洲，妓女卻係一個相當盛行嘅工作，尤其係當時意大利羅馬，更係整個歐洲嘅黃業中心。據當時嘅羅馬官方記錄指，當地嘅妓女總人數約為一萬至四萬人之間，數量認真驚人！
須知道喺英文中，「Hot」有性感嘅意思，而喺現今四仔界中，邊個脫星可以稱得上為最Hot呢？如果話係今年27歲嘅美國脫星Riley Steele，相信冇邊個會反對。呢位喺2008年開始脫星事業嘅索女，原來喺入行前已經係位四仔迷。2005年時正於一個高爾夫球場做餐吧侍應嘅佢，喺荷里活遇到四仔天后Jesse Jane，並獲建議加入四仔界，於是佢決定同四仔片商Digital Playground簽約，正式開展脫星生涯。憑住迷人嘅外形，佢好快喺四仔界走紅，更從2012年起至今，連續4年喺AVN頒獎禮中，獲得由粉絲投票嘅最受歡迎女脫星獎，單從呢點便已足見佢喺四仔迷心目中嘅地位。
作為四仔迷一定會聽過Sharon Mitchell嘅大名，事關同時榮登AVN、Legends of Erotica同XRCO名人堂嘅佢，從脫多年獲獎無數。講到代表作之一就唔可以唔提呢套，由Caballero Video於1983年推出嘅四仔《Hot Dreams》。故事講述由佢飾演嘅淫娃女主角，無時無刻都感到慾火中燒，尤其係濕熱嘅夜晚，無比嘅慾望惟有靠瘋狂曳曳先至能夠解決，而從佢第一次偷食開始，佢已經難以自拔。雖然睇起嚟故事好似有啲老套，但憑住佢超放又激情嘅演出，加上著名四仔導演Warren Evans出色指導，將女主角嘅床戰同性幻想完美咁連接起嚟，讓四仔迷穿梭於現實與幻想之間，難怪佢被AVN評為500套必睇四仔之一。
其實將Tokyo-Hot或東京熱叫做日本AV片商，並唔算十分正確，皆因佢雖然從製作到演出都係由日本人負責，但佢嘅總部卻於美國加州註冊。據呢間於2003年成立嘅片商解釋，佢哋之所以有咁嘅決定，因為本身嘅目的係為咗220萬名日裔美國人及美國公眾服務。作為一間專門製作冇格仔AV嘅片商，佢作品嘅題材其實都幾重口味，除咗有一般嘅潮吹、中出、吹奏等主題外，更經常見到一后多王、大亂鬥同愉虐等。另外，佢嘅一大特色就係專門搵嚟一啲名氣唔大嘅女優演出，縱然有啲出名女優客串，佢哋都會以另一藝名於Tokyo-Hot演出，例如石川鈴華改名做池內莉奈、村上里沙改名為真宮梨沙子、大槻響改名成綿貫沙織等。
撰文：魂