日本人對身穿校服嘅囡囡特別迷戀，究竟當中包含乜嘢原因呢？湖南有病婦竟相信「圓房治病」，一見面就同人開房，治病後仲畀咗四萬大元作為診金，真係冇嘢好講！內地有失眠調查，發現失眠情況嚴重，而元兇就係……
日本有網站做咗個調查問吓啲廿幾歲青年，點解會對校服美少女咁情有獨鍾？最後得出以下五大原因，第一「制服」，校服本身就夠吸引，令人充滿美麗回憶；第二就係「好奇」，自己脫離學校一段日子，好想回味昔日嘅校園生活；第三就係「淡妝」，就指學生裝嘅囡囡打扮夠晒清純；第四就係「長髮」，我估都係同清純有關，另外摸落去特別順滑，感覺囡囡也特別溫馴；第五就係「香味」，佢哋話好懷念少女身上散發出嚟體香，真係好識食呀！
「性交轉運」大家都聽過，「圓房治病」你又聽過未，湖北有名女子因為患咗婦科病於是喺網上四出找人幫忙，冇幾耐就有個53歲男子話「圓房治病」有效，大家一聽就知道係呃人，但呢位女子竟信以為真馬上就去開房睇病，仲同男子發生性關係，睇完病仲畀咗四萬蚊作醫療費，事後再搵唔到呢個男子，而自己嘅病亦無起色，先至發覺自己受騙於是報警，警方火速將犯人緝捕歸案，呢名騙徒原來用呢招騙過不少婦女，但仲有人上當真係冇嘢好講！
最近內地做咗個失眠調查，發現有嚴重失眠嘅情況由過去嘅22%升至今年嘅31.5%，而三大失眠成因，第一位係工作壓力，第二位係金錢問題，第三位就係愛情困擾，咪以為愛情問題佔第三位就好輕鬆，調查數字話每三個調查者就有一個有愛情問題，情況亦十分嚴重，而因為種種壓力太大，所以大家都特別喜歡做啲減壓嘅事，例如網聊、打機、煲劇，但這三種減壓方法亦正係令人捱夜嘅主因，所以網友總結：你點都會冇覺好瞓！
撰文：小德