美艷嘅女星出席公開活動通常都會吸引到粉絲群起而來支持，有時仲會吸引到好多狂迷釀成場面失控。然而，即使冇狂迷，仲會吸引到不速之客，好似紗綾咁就因為到戶外拍水着寫真而被蚊叮，不幸因而染病，不過佢有青春活力頂住，病完繼續為大家發放火辣熱力！
日本水着界美女特別多，好多仲好好波，而好波得嚟仲要胴體纖巧，真係令人羨慕又妒忌。如果你問我鍾意薄身好波，定係肉感身材配巨乳呢，我會答後者，因為世事邊有咁完美，唔少薄身好波都只係假象，上圍又脹又硬一睇就知非天然之物，至於肉感型巨乳妹我就唔覺得肥，且令人感受到溫香軟肉舒服嘅感覺，紗綾就係呢種類型喇。21歲嘅紗綾原名叫做入江紗綾，由於面形比較方同闊咗少少，比起同齡嘅水着妹睇落係成熟咗，可幸雙眼精靈有神，散發出嘅可愛天真之氣將面上嘅熟味中和。紗綾身材肉感，雖則條腰有點粗，然而大家嘅目光卻唔會留於其腰部，皆因胸前嘅飽滿純天然F奶又大又彈手，足以令人目瞪口呆。
紗綾比其他女優更早踏足藝能界，4歲就做童星拍廣告，11歲就推出首隻水着寫真DVD，而當年令佢成為話題嘅原因仲涉及國際政治關係。當時內地爆發反日浪潮，而紗綾可愛嘅面孔及親切嘅笑容就被網民取用嚟做貼圖，呼籲中國網民放下反日情緒，事件被日本傳媒報道，更稱佢為「中止中國反日運動的日本F奶美少女」。紗綾出道拍寫真以來憑住驕人身材而保持相當高人氣，參與電視台節目及電影演出嘅機會亦有唔少，最近演出嘅電視節目就有帶大家飲飲食食嘅《King's Brunch》。上年為咗拍呢個節目，同另一位女主持青木英李去到東京代代木公園拍外景，點知期間惹來蚊蟲叮咬，更不幸患上登革熱。慶幸嘅係二人最後可以康復，紗綾今時今日依然可以發放火辣魅力。
唔知係咪患病之後令紗綾更加珍惜目前，從其博客當中可以睇到佢不時同朋友享受生活，想知道紗綾最近同朋友去邊度歎世界，可以上佢個博客睇睇。
網址：http://ameblo.jp/saayablo/
年齡：21歲
身高：5呎
三圍：34F-24-35
撰文：賢