艷舞係咪嚟嚟去去只得鋼管舞同膝上舞？梗係唔係啦！查實艷舞只要加入唔同嘅元素，就可以帶畀玩家新鮮又刺激嘅體驗，好似呢間位於法國巴黎嘅艷舞夜店Cris & Chuchotements，佢就將愉虐元素糅合艷舞之中，不但令好此道者睇到眉飛色舞，縱然唔係同道中人，都會被佢嘅激情演出瞬間將心跳推至極速。
分為兩層嘅夜店，一樓係間好「正常」嘅酒吧，玩家可以喺度同店內嘅女郎傾偈歎酒，而地牢先至係夜店嘅精彩部分。以中古刑牢為靈感設計而成嘅地牢，分為多間唔同愉虐主題嘅表演區域，當中分別有綑綁、皮革女王、皮鞭等。為咗配合演出，每個區嘅情趣愉虐道具更係應有盡有，加上一班既有外形又資深嘅愉虐艷舞女郎，以精湛嘅演出撼動玩家嘅靈魂。當然，如果有興趣一嘗箇中滋味，亦可以上台同女郎一齊玩。此外順帶一提，夜店對玩家衣着有嚴格規定，着得唔企理嘅話係冇得入內呀！
撰文：魂