有人話風具有不羈同風流嘅特性，好似風流快活、風花雪月、風情萬種等嘅詞語，便足以說明佢喜歡漂泊同尋找刺激。其實唔單止我哋咁講，喺外國嘅情慾字海中，風同Wind同樣體現出呢種特質，唔少著名AV同艷星亦同佢有着千絲萬縷嘅關係。
「Second Wind」並唔係好似字面咁解做第二陣風，而係解作性愛中嘅第二次高潮。原來喺英文俚語中，由於Wind爆發嘅特色，正好同男女興奮時體液噴出嘅情況差唔多，故此引伸出高潮嘅意思。雖然從理論上，男士應該對好多時莫名其妙犧牲喺膠笠、紙巾等地方嘅小蝌蚪相當熟悉，但大家又知唔知，小蝌蚪每次爆發時嘅平均射出速度有幾快呢？答案係時速45公里，亦即係同牙買加飛人保特以9秒58，創下百米跑世界紀錄時嘅速度一樣，按呢個情況嚟睇嘅話，原來我哋喺成為游泳冠軍前，先做咗百米飛人呀！
如果唔知道嘅話，仲以為「Wind-up Merchant」係乜嘢職業嚟，查實佢同愉虐性愛有關，意思係指嗰啲鍾意透過拘束同綑綁，並配合多種嘅挑逗方式，嚟搞到被限制活動一方興奮到典床典蓆嘅人。
不過話說回來，大家知唔知喺當今美國四仔界中，有邊位愉虐系脫星不但綑綁技術高超，更係唔少四仔迷夢寐以求，想被佢調教一番嘅對象呢？佢就係喺1983年8月28日美國華盛頓出生嘅Kimberly Kane。呢位早喺2003年已出道嘅脫星，演出超過90套愉虐題材四仔，而憑住佢出眾嘅外形及調教絕技，成為四仔迷心目中嘅愉虐女神。
家陣美國嘅四仔，片長冇番一粒鐘都好難吸引到四仔迷捧場，而當中嘅理由好簡單，條片太短嘅話睇得邊過癮呀？不過係咪長就一定好睇，咁就梗係唔係啦！好似喺1993年由四仔片商Tiger Eye Video推出嘅經典作品《Wind In Her Sails》，就係一個好例子。呢套片雖然只得31分半鐘，片中一個男人都冇，只得個巨乳女主角Danni Ashe由頭到尾喺隻帆船度露燈、晒鮑、自娛等場面，但正正因為呢位當時得令，身材火辣到爆嘅脫星忘我自摸，不但令呢套四仔成為經典，並喺1995年於Pro Am頒獎禮中獲得最佳新進脫星獎項。另外，佢喺2000年8月創下互聯網上，被下載作品次數多達10億次嘅健力士世界紀錄。
有邊個日本AV女優能夠從出道至今長達18年，從少女演到熟女都仍然深得AV迷歡心呢？佢就係喺1979年2月2日出生，並喺1997年10月於日本AV片商九鬼出道嘅風間由美。呢位本身為脫衣舞女郎，其後憑住超火辣嘅37F、23、37身材成為AV迷心目中女神嘅女優，出道時並非以呢個名字登場，而係以鈴川千佳之名投身AV界。及至1998年改名做風間仁美，同年再改成家陣用嘅藝名至今。憑藉令男士都為之興奮嘅身材，從出道開始片約已經不斷，及至今日已經演出過千套AV，以36歲之齡創下呢個數字，可以話當今日本AV界嘅一個紀錄。不過講到攞獎，佢就真係冇乜咁嘅命水，事關出道多年後，先至喺2011年嘅Sky PerfecTV成人放送大賞中，憑住作品《美麗女同志校友 風間由美與結城美沙》獲得優秀獎。
撰文：魂