如果覺得啱啱完咗嘅國際七人欖球賽仲未夠興奮嘅話，唔知大家有冇興趣去新西蘭睇吓刺激得嚟又養眼嘅裸體欖球賽呢？呢個每年都會喺Dunedin舉辦嘅比賽，除咗作為旅遊推廣活動外，同時有籌款嘅目的，因此吸引唔少人士前嚟捧場。
不過，呢場咁別開生面嘅賽事之所以出現，皆因喺2002年時有班嚟自愛爾蘭嘅背包客，參加咗Dunedin一間旅遊巴士公司搞嘅旅行團，而該公司為咗令行程更加吸引，便安排佢哋同當地嘅學生進行一場裸體欖球賽。由於大家嘅反應踴躍，故此變成每年都舉辦嘅活動，又搵嚟由著名新西蘭欖球隊All Black隊員，所組成嘅球隊Nude Black同嚟自全球各地唔同嘅隊伍作賽，不論男女都會剝晒衫喺場上進行較量。
撰文：魂