倫敦嘅夜生活豐富係人都知，除咗有為數眾多嘅酒吧成為男士嘅集中地外，艷舞夜店同樣每晚都人頭湧湧，而講到其中一個人氣好去處，就唔可以唔提Charlie's Angels Club！前身叫做Oops Club嘅佢，雖然唔算大間又只得一層，但已足以滿足男士嘅需要。事關店內分別設有大廳、酒吧同VIP廂房區，加上出色地利用空間設計，就算每晚有過百玩家喺店內，仍然一啲都唔覺得擠迫。
此外，佢又善用燈光同煙霧嘅舞台效果，令呢間以簡約主義設計為主嘅夜店，平添一種迷幻味道。不過大家要留意，夜店嘅艷舞消費一啲都唔平，每次膝上舞收費為20英鎊（約240港元），如果想欣賞私人艷舞表演嘅話，每次收費更高達220英鎊（約2,640港元）添！不過，縱然佢嘅艷舞娛樂一啲都唔平，只係憑住一班熱情又好客嘅女郎落台同玩家打成一片，單憑呢個賣點就已經令玩家迷醉不已。
撰文：魂