D跑了差不多10年內地風月線，這幾年，愈做愈洩氣，最主要是上面打風停不了，尤其是去年開始，連港男樂園，就算點打最後都屹立不倒的東莞都劫數難逃，有時見他做到勞累不已，卻仍是長嗟短嘆，「最初由香港轉上去跑，就係諗住呢邊市場大，點都有得做，唔係好似香港咁，邊瓣紅、邊瓣起就掃邊瓣，剛剛上去嗰幾年，環境的確係唔錯，淨係跑三沙啲按摩場仔，都做到氣咳，點知做唔夠一年就掃到七彩，OK，呢邊無得做，咪轉彎囉。」是的，後來他轉攻羅湖、福田，起先也遭遇不少困難……
「係o架，都係咁o架啦，我哋之前喺三沙影得咁放，羅湖、福田保守咁多，影出嚟效果梗係無咁好，但影吓影吓，大家撞吓撞吓，又慢慢做好咗，到後來口碑傳開去，連東莞啲場都主動嚟搵我影相，忙到一個人做唔晒，仲要搵多兩個內地人幫手喺上面跑，真係做到頭都暈埋。」那年頭，忙還忙，我見他是開心的，「無啦，東莞死晒，依家羅湖都好唔得幾多，過年前又有幾間中伏，你話，我係咪做到落去，或者可以做幾耐，我自己都唔肯定。」
撰文：黃韋龍