內地有間大學公布開除一名學生，主要原因係因為佢單身，學生們人人自危？男人幽默，原來大受異性歡迎，但女人搞笑，卻會變得冇人吼？女士們喜歡着紅衫嚟吸引異性，原來只能對某些人有效？
好多囡囡認為着紅色嘅衣服可以吸引異性，據美國紐約城市大學嘅研究發現只啱咗一半，因為自古以來女性喺性興奮時候身體就會出現潮紅現象，男士因此看見女性着上紅色嘅衣服就會覺得特別吸引，就算冇着上紅色衣服，女士們只要站喺紅色背景嘅地方都能產生效果，難怪鳳樓全都着紅燈啦！但呢一招原來有局限，唔係所有男人都有反應，如果那男人早對你有好感，先至會產生強烈反應，所以囡囡着紅衫，有人色迷迷望住你，佢一定對你有好感！
遼寧有間大學早前喺官方網站公布咗一則學生開除通告，內容說某同學被開除嘅原因，而文中最後寫上……最主要是單身，嚴重影響我校所以開除。呢篇通告一出街就引起全城哄動，網友批評大學生有邊個唔係單身？如果單身就被開除咁仲有人嚟讀書嗎？最後驚動有關部門責成學校調查，學校一查發現網站係被黑客入侵，貼咗呢篇惡作劇嘅通告落去，學校並無任何開除行動，事後雖然解釋，但網絡上繼續熱炒，仲話都係先結婚再求學穩妥啲！
男士如果風趣幽默，係會贏得女士嘅青睞，但如果女士風趣幽默呢？原來受歡迎嘅情況會啱啱相反。據美國邁阿密大學研究所得，男士講笑話氹得囡囡笑到肚痛，大多數都會加分，而講笑話嘅男士，亦會滿足聆聽者嘅表現和反應，所以他們很容易一拍即合，但如果是女方講笑話，男士反應大多慢熱，會令講笑話嘅女士不滿，到男士們真的開懷大笑時，亦唔會因此加分，所以朋友圈中負責搞笑嘅女士，感情生活一般都不太如意就係咁解！
撰文：小德