咪以為艷舞夜店只係男士嘅天堂，查實佢唔單止可以成為女玩家狂歡熱點，仲可以喺度欣賞到至激嘅音樂演出。好似位於紐約Woodside嘅夜店Starlets咁，就以艷舞同音樂打造成勁爆嘅夜蒲勝地！作為一間當地著名嘅艷舞夜店，一班火辣又夠索嘅艷舞女郎梗係唔可以少，而據佢介紹，一個星期七晚共有過百位超級性感嘅女郎喺度演出，仲不定期搵嚟至紅嘅脫星到場表演。
佢嘅賣點並不止於此，事關佢經常搵嚟人氣嘅饒舌歌手同音樂組合到場表演，配合埋火辣艷舞同出色嘅音響系統，激情四射嘅視聽娛樂，不但吸引男士捧場，更有唔少女性玩家嚟玩。此外，店內亦設有私人舞區同多間唔同主題嘅VIP房，前者供男女玩家於店內一角享受美妙嘅艷舞娛樂，後者更係獨佔私人空間，夥同一眾好友嚟個火熱狂歡嘅夜晚，難怪開業多年，每晚個場都仲係逼到爆啦！
撰文：魂