流感繼續肆虐，回想番過年前上羅湖骨場，很多囡囡已經放假去，「下個星期都過年咯，仲唔走咩？咪玩啦。」坐在前台的主任仔告訴我，「你唔走？」「今年都搵唔到錢，走乜呀？返到去都無意思啦。」話說回頭，他又問我最近香港的流感是不是很嚴重，搞到佢哋場中幾個囡囡都中埋招，我問：「有女走又有女病，咁咪嚴重缺女？」他答我：「少少感冒啫，留得低唔返鄉下嘅，都會返工嘅，話晒都要搵錢o架。」感冒囡囡，很容易看得出來啊，不怕趕客嗎？
「食咗藥先做嘢，基本上都睇唔出嘅，咁返到工唔通唔做嘢咩？咁我哋呢度不過係揼下骨，出下火啫，唔同個客行得咁親密，應該無咁易傳染嘅。」主任仔回應得輕描淡寫。我說這樣做生意好像不太好，「啲女都係喺客人身上惹返嚟，叫佢哋休息，啲女唔肯o架，依家深圳生活費、屋租乜都貴，手停就口停。而且我哋呢邊睇醫生無咁方便，好彩我哋都有啲港客朋友，託佢哋買啲香港成藥食吓，都好快好o架啦。」
我一邊搖頭，但實在沒法勸服眼前的這位仁兄，惟望大家上去玩小心啦。
撰文：黃韋龍