早晚食補品，咪以為冇事，浙江就有個6歲小朋友因為食得太補而出事？英國有對夫妻，佢哋非常另類，太太為滿足丈夫，竟喺佢眼前同其他男人上床，而且三年間高達兩千人？老人家性生活愉快，原來可減慢大腦退化？
英國有對夫妻最近上電視節目大爆自己嘅非一般性生活，呢對夫婦結婚3年，丈夫有鋪睇住老婆同其他男人上床嘅癮，而佢老婆又好為得佢，竟然答應同其他男人上床，本來都好平常，但最誇張就係呢位太太竟同兩千多名男子上床，一年365日，3年都1,100多日，咁佢一日要同兩個男人上床至夠數，主持人亦有質疑，但老公表示自己喜歡欣賞大場面，所以太太經常都大混戰，最高紀錄係一次同30個男人大戰，你話唔服佢哋都唔得啦！
內地浙江金華有個6歲大嘅女童，母親發現佢有性早熟嘅徵狀，例如乳房微隆、底褲有血，於是第一時間送愛女去睇醫生，經過一輪化驗終得知女童患咗「中樞性性早熟」，底褲嘅血漬更係初經嘅先兆，阿媽百思不得其解，最後醫生從女童嘅飲食習慣得知，佢阿媽對女兒如珠如寶，自小就要佢日日食燕窩，醫生推斷女童補過頭，所以身體提早發育，除咗性徵提早出現，嚴重仲會影響女童骨骼成長，所以話有錢唔可以任性，補品食太多一樣會出事！
荷蘭科學家針對老人家做咗個研究，調查對象都係70歲以上人士，將佢哋分為有性生活和冇性生活兩組，之後進行智能比較，發現有性生活嘅老人家，大腦嘅記憶力、理解力以及認知能力都較冇性生活嘅一組強，於是推斷老人家保持適當的性生活，係有效延緩大腦退化，減低患上認知障礙症嘅機會，有網友吐糟老人家都70幾歲仲有心有力，想佢癡呆都幾難，已經冇心冇力乜都做唔到，想唔癡呆都唔得，呢啲情況唔使科學家研究都知啦！
撰文：小德