有日本AV界奧斯卡之稱嘅Sky PerfecTV成人放送大賞2015經已圓滿結束，今屆同樣星光熠熠，「胸」光綻放，而最威水嘅就一定係小淫娃紗倉真菜喇！
今屆日本AV界奧斯卡Sky PerfecTV成人放送大賞2015（下稱成人賞）比往年有少許分別，原因係北都集團旗下嘅AV銷售網站DMM將會舉行第二屆DMM大賞，為咗令DMM大賞陣容同聲勢更為強大嘅關係，有消息指出北都只准許部分女優以及AV作品參與成人賞，旗下嘅大牌女優就參加DMM大賞。不過，坐擁優質女優同作品嘅又豈止得北都，仲有SOD、Prestige、KMP等大集團對成人賞鼎力支持，根本唔愁冇賣點。而今屆成人賞已經圓滿結束，各個獎項經過兩個月嘅公開投票後終於名花有主，當中最受人關注、最能夠代表AV迷予以無限支持同感激嘅最優秀女優獎，就落入SOD專屬女優F奶小淫娃紗倉真菜手中，當晚真菜仲同時得到傳媒獎之一嘅FLASH獎項，認真威水呀！
大會宣布真菜得獎之後，真菜隨即興奮落淚，而上屆最優秀女優獎得主波多野結衣即上前安慰同鼓勵一番，再將獎座交到呢位新紮小天后手中。其實真菜喺2013年嗰屆成人賞已經揚威過一次，當年阿妹憑出色表現榮獲最優秀新人獎，故今屆得獎則被AV業界形容為二度稱霸。至於今屆新人獎得主係邊個呢？就係S1專屬女優天使萌喇！阿妹人如其名，好似天使般可愛同充滿萌味，演出羞澀誘人，充滿初戀情懷，成功擊敗長瀨麻美、佐倉絆等實力強橫嘅新人。最優秀熟女獎方面，得主就係近期火紅嘅37I奶女優篠田步美，呢位女優實力超班充滿人妻味，出道以來一向都係各大小熟女AV廠嘅寵兒，人氣相當高，得獎可謂實至名歸。失落最優秀女優獎嘅有村千佳同初美沙希嘅雙打演出作品《友達以上、戀人未滿。》榮獲最優秀作品獎，算係執番個尾彩。另外，今屆特別增設嘅AV男優獎，只供女性投票，結果由高大靚仔又砌得嘅當打男優清水健獲得，出場領獎嘅時候惹來場內一眾女粉絲尖叫，果然深得女性歡心。
撰文：賢