晨早起床清新開朗，其實朝早唔單止空氣清新，一個好覺醒來個人都零舍精神，呢個時候最好做乜呢？有女伴在旁又有時間嘅話，梗係嚟個晨操啦！不過講到「早」同「Morning」呢兩個字時，係咪只得早上曳曳咁簡單呢？以下就同大家介紹一下同呢個字有關嘅情慾詞語。
咪以為「Morning Wood」係指一種晨早至出現嘅木材，其實佢係一個情色俚語之餘，仲同男人有極大關係，皆因佢真正嘅意思係指男士晨早嘅生理反應，亦即係所謂嘅「晨勃」。每個男士都知道，每朝早起身時支兵器總會自動企硬，尤其係青年及中年男士，呢種情況更為常見。雖然有人指呢種反應係同男士內急有關，但真正嘅原因醫學界仲未搵到，只知道隨住男士年紀推移，「Morning Wood」出現嘅頻率會愈嚟愈少。另外，男士若然發現自己冇咗「Morning Wood」現象嘅話就要小心，皆因可能係身體出現問題嘅警號。
咪以為AV女優只係識得剝衫同曳曳，查實有啲好有商業頭腦，好似喺2006年7月從AV界引退嘅早坂瞳就係個好例子。呢位於1982年6月28日出生，並喺2001年以Max-A女優出道嘅索女，同年喺X-CITY成人視頻大獎中獲得最優秀新人獎。佢出道以嚟先後効力過宇宙企劃、Crystal映像、Million等多間片商，又喺2003年夥拍及川奈央、紋舞蘭、神谷沙織、長谷川瞳等，組成AV女優團體「Million Girls 2003」。喺佢女優生涯中不但推出近百套作品，題材更係相當廣泛，就連100發顏面發射、綑綁、雙孔滿灌等重口味題材都有演出。同著名女優小澤菜穗及松島楓相當老友嘅佢，引退後於六本木開設一間名為Hinaka嘅酒吧，不但以自己作為生招牌，更經常搵嚟好姊妹坐鎮，據聞生意相當唔錯添！
有人話一早起床最好嚟個「Morning Sex」，其實「Morning Sex」仲有另一個好香艷嘅意思，解作女伴用「特殊」嘅方法叫醒男伴，而所謂嘅特殊方法就係用手、小嘴或情趣玩具嚟情挑男士嘅兵器或敏感帶，透過呢種挑逗嘅方法令男士甦醒。試諗吓，正當男士好夢正酣嘅時候，突然有種美妙嘅快感來襲，醒來後發現女伴正喺度招呼緊自己，呢種體驗係咪好正、好香艷呢？
對四仔迷嚟講，最醒神嘅方法莫過於一起身就睇番套應景四仔，而呢個時候四仔經典作品《Touch Me In The Morning》就係最好嘅選擇。早於1981年喺美國成人戲院上映嘅作品，當年大收旺場，而喺2005年推出DVD時，成為第23屆AVN頒獎禮最佳四仔DVD嘅候選作品。呢套四仔講述男女晨早起床後所產生嘅情慾幻想，不但搵嚟當年人氣爆燈嘅Veronica Hart、Lisa De Leeuw等艷星演出，最重要嘅係佢不僅一味賣弄色情同肉搏場面，更加入感人嘅劇情，難怪當年呢套鹹片上畫時，有人覺得可以將佢當成愛情片嚟睇啦！
撰文：魂