年齡相差三十年嘅情侶，唔喺自己屋企嘅按摩浴缸大戰，竟摸入別人屋企嘅浴缸偷情，究竟因乜原因呢？用手機軟件聊天時，你多唔多用圖案嚟表達感情思想呢？多嘅朋友恭喜你呀！喺女性走路姿勢，可得知佢哋嘅性生活情況！
美國明尼蘇達州有單風化新聞真係估佢唔到，話說有位52歲老婦，從家鄉嚟搵佢兒子，點知認識咗兒子一名22歲朋友，兩人竟一見如故，感情一日千里，到晚上更忍唔住乾柴烈火，於是四出找地方一聚，兩人竟爬入附近豪宅，走進人家嘅按摩浴缸內大戰，兩人嘅淫聲浪語驚動了戶主，最後戶主報警，把兩人拘捕。家陣啲年輕人真係飢不擇食，但最估唔到就係老婦被送回兒子家時，警方竟發現兒子家有按摩浴缸，唔通怕個仔見到至兵行險着？
好多朋友都會用手機軟件嚟同人溝通，而打得字多，有時都想變化一下，大家就會採用表情圖案來表示自己所思所想，而據美國交友網站嘅調查指出，如果巴打們喺手機聊天時經常打入圖案同埋符號，咁表示你嘅性生活比較頻繁和精彩，而且適合20至40歲嘅年齡層，至於只打文字嘅朋友，原來性生活嘅數字只有佢哋嘅一半，所以有網友嚴重提出，以後聊天時都要打多啲圖案，咪畀人哋標籤自己為低頻性生活嘅人。
比利時有位性行為學者找嚟幾百位婦女，做咗一個走路姿勢與性生活嘅調查，結果公布喺歐洲嘅《性醫學期刊》裏面，佢話女士們如果走路有活力、輕鬆、流暢、睇上去好有自信嘅樣子，咁代表佢哋性生活十分美滿，獲取性高潮嘅次數亦頗多，相反，如果女士走路嘅時候步伐緩慢、肢體僵硬、外表沒精打彩，就代表性生活不協調，獲得高潮嘅次數亦唔多，有網友就話呢招唔使專家教都識，精神爽利自然有運行，頭耷耷唔使問阿貴都行衰運啦！
撰文：小德