好多人都有花名、外號，而花名同外號嘅出現通常都同其人嘅經歷以及外形有關，例如小弟就因為身形肥胖而有「小肥賢」之稱喇。日本水着界巨乳新貴穗川果音亦有花名，叫作「天氣姐姐」，但係佢以前同現在都冇報過天氣，又點解會有咁嘅稱呼呢？家陣就為大家講解一下啦。
日本賽車事業發展蓬勃，有香車就當然要有美人啦，連帶賽車女郎都發展迅速，更有好多車女憑住美貌及身材而進身水着界及藝能界發展，好似近期人氣火咁旺嘅安枝瞳咁。其實要從芸芸索爆車女中突圍真係唔易，最好就係要有過人身高，咁先能夠收鶴立雞群之效，穗川果音擁有接近5呎8吋身高咪成功上位囉。今年29歲嘅穗川果音雖然近期至上位，但係出年就30歲嘅佢，迷人媚態以及標致五官完全唔會予人過分成熟之感，恰如一位有韻味又嬌美嘅大姐姐。叫果音做大姐姐事實上亦甚貼切，因為其身材高挑，我呢類只得5呎3吋嘅麻甩佬拍埋去即時矮上一截。果音另一個部位亦相當大，冇錯！就係胸大喇！佢上圍擁有37吋G-Cup，全屬天然又夠彈性，為觀眾嘅視覺帶來大大嘅刺激感覺！
穗川果音讀高中嘅時候，就已經被人賞識搵佢做模特兒。不過，後來因為拍得太多寫真，工作太忙，令果音迷失於工作與讀書之間。經一番掙扎，佢決定以學業為重，讀完高中之後就去修讀課程，並取得一個氣象預報士資格，亦因為咁佢隨後轉投寫真界，即使未做過任何天氣報告相關節目，都被人叫做天氣姐姐。果音做咗賽車女郎，由於樣貌出眾，初次登場就備受注目，賽車場上好多人見到佢都大聲話：「呢個女仔係邊個嚟？叫咩名呀？」有咁多人留意自己，果音都顯得有少少難為情，不過就表示當時係唔習慣，但係隨即就諗到有咁多人欣賞，為報答大家就要豁出去將身體貢獻畀全世界。果音除咗喺賽車場上成為萬人迷，出到外面一樣咁惹人注意。某次隨攝影隊外出到一條公路旁邊拍寫真，其惹火身材就惹來一眾經過嘅暴走族停低，幸好個個都相當克制，只係駐足圍觀咁啫。
穗川果音經常同班姊妹四圍飲飲食食，想知道佢平常鍾意食乜，鍾意去邊一忽，就要留意佢個博客喇。
網址：http://ameblo.jp/kanonhokawa/
年齡：29歲
身高：5呎8吋
三圍：37G-24-36
撰文：賢