宅男天地：水着貓女

日本漫畫家真島浩創作嘅奇幻少年漫畫《FAIRY TAIL 魔導少年》，自2006年起連載，其後推出電視動畫同劇場版。宏大嘅魔法世界及眾多角色，令作品多年以嚟人氣高企，好似呢位巨乳美少女露西‧哈特菲利亞，就係其中一位人氣角色。憑住出眾嘅身材，露西已經有收視嘅保證，難怪模型長出長有。呢個最新登場嘅Figure大玩黑貓誘惑，化身成性感貓女嘅佢不但多咗一份可愛味，水着造型更係盡現火辣身材，一對車頭燈愈睇愈養眼，一雙着上長筒絲襪嘅修長美腿更係誘人，真係好想快啲帶佢返屋企。