一生之計在於勤！講就易，只要你一日未死一日都要死做爛做，但無人寫包單話成功，試問有幾多個堅持到呢？踏入裸模界6年嘅英國妹Charlene Nicholls，堅持自我默默耕「淫」，成績一般般，但阿妹嘅勤力絕對值得大家欣賞！
由09年開始踏足裸模事業嘅Charlene Nicholls，昔日靚偈至今未變過，反而愈大愈滑，愈睇愈有味道，當事人話作為Model，時刻保養好靚偈係對觀眾負責任最基本表現，咁識講嘢難怪咁襟撈啦！但阿妹最叻唔係得把口，事實係佢太過勤力，結果令佢事業行得比人慢，其他姊妹都爬過佢頭，佢仲停留喺拍拍寫真，搞搞網站階段，對於只追求功利嘅人嚟睇，佢絕對係個失敗者，但阿妹承認享受當中過程，當然佢都希望可更上一層樓啦！
出道時34C-24-34三圍，到前年自覺咪咪唔夠照，結果提升到34DD，假得嚟夠自然，外界一啲都冇反感，傳媒反問點解咁遲先僭建？阿妹解釋做人做事都要循序漸進，不可一步到位，正如佢初出道以比堅尼模上陣，玩咗年幾先肯轉玩內衣，兼係逐件剝玩若隱若現，對比姊妹一嚟就剝清，阿妹蝕晒章啦！正因為咁「老土」性格，諗過度過先去做，加上凡事親力親為，結果令Charlene付出與收穫不成正比，要怪只有怪自己！
過去咁多年Charlene喺裸模界都好守「規矩」，除咗大路嘅報紙雜誌及網站露出，佢玩得最多係私拍模，事關佢覺得單對單可以畀佢更多發揮，毋須顧慮太多大眾感受，難怪從網站流出所見，私拍表現零舍放蕩啦！
雖則Charlene自喻業界老火湯，要慢慢煲先出味，之不過佢嘅材料就好紮實，由初出道創立嘅個人網站，阿妹一直堅持自己嚟，有別於一眾裸模網只用代理人扮當事人回應或更新，而Charlene網就堅持一腳踢，喺佢簡介第一頁已多番強調乜都自己，自己設計、自己更新、自己回覆，佢話咁先可以畀大家認識真正嘅佢喎！咁所以會員已習慣每日睇到阿妹自拍短片、手機生活相、專業寫真，甚至鍾意就留言提出要求，Charlene都會盡情配合，查實單係搞好個網站，阿妹都唔使憂啦！
簡介：Charlene官方網站，不但係會員專享，仲有好多堅料睇，自拍寫真靚相短片齊備外，聽聞收費會員仲有阿妹專線，有乜頭暈身都可以打畀佢吹吹水，隔空幫大家慰藉，再唔係就玩視頻，等阿妹望聞問切，咁窩心，市場有幾個裸模做到呢？
網址：www.CharleneNicholls.com
出生日期：1988年5月23日
三圍：34DD-24-34
身高：5呎10吋
撰文：祖