卿本佳人，奈何作賊。近期喺日本AV界要風得風、要雨得雨嘅藝能人AV天后小向美奈子又被捕喇！早前有消息指出，日本警方去到呢位超級爆乳尤物家中將其逮捕，原因係佢同「不可一，不可再」嘅罪行有關。其實，美奈子都唔係第一次被捕，早喺6年前，美奈子就係因為衰呢家嘢而賠上演藝事業，一度淪落到做脫衣舞孃，之後仲要拍AV搵食。經過一段日子，美奈子搖身一變成為AV天后，作品大賣，好多人同我都以為佢修心養性專注AV發展，點知近期又再衰多次，點解咁唔愛惜自己呢？不過話說回來，美奈子被捕消息一出，其AV作品喺網購網站立即大賣，居然有幾部作品登上銷量榜十大之列，唔通大家估計之後好難再有AV廠搵佢拍片，怕以後冇得睇佢演出，所以火速入貨？