談情說性：色戒港女Lexi Kate愈虐愈High！
今日情人節，巴打諗緊同情人去邊度食飯慶祝？定抑或掛住飯後睇睇嗰套《格雷的五十道色戒》（Fifty Shades of Grey）先！改編自同名小說電影，經已成為全球熱話，就連外表斯文到冇朋友嘅now成人極品台節目《成人講場》主持人Lexi Kate都話上映兩日睇足三次，先睇劇情、再睇性虐技巧，最後連觀眾反應都留意埋，點知睇完慶合合仲想搵個對手跟住研究，係咪咁激呀？
小說改編
巴絲打們，假如你未睇或冇打算睇呢套情慾電影，肯定你今年冇話題兼冇得爽，事關電影《格雷的五十道色戒》係改編自英國No.1情色小說家E.L. James嘅小說，呢本鹹書就威震全球，至今被翻譯成51種不同語言譯本，狂銷超過1億冊書本及電子書，不但係有史以來銷售速度最快嘅小說系列之一，其電影預告片更擊敗《復仇者聯盟2：奧創紀元》，及《星球大戰：原力覺醒》等大電影網上超過一億嘅瘋狂點擊率，據聞係目前電影史上最高紀錄，仲未計佢推出相關一系列情趣用品，咁你話有幾威威喇！
高帽就笠完，而電影網友反應大半讚好，有啲就話可以去得再盡啲，而近期憑清純外表出位，點知講淫嘢就男人都自慚不如嘅「名嘴」Lexi Kate，嗰頭睇完即刻就喺節目內同大家分享，原來阿妹唔單止鍾意談情說性，仲有鋪性虐癮，咁梗係要拉佢「些牙」吓啦！
講極唔停
自稱未完整地試過愉虐性愛嘅Lexi，喺節目就話好希望盡快搵個好對手可以陪佢癲，但阿妹就深信喺香港有啲難度，反而近近哋嘅台灣機會會高啲，據佢話由舊年平安夜開始，電影公司為《格雷的五十道色戒》嘅宣傳活動搞倒數上映活動，佢個心日夜卜卜跳，急急腳買齊中英文版本「刨」熟晒所有「劇情」，但同時發現香港男仔叫佢做無問題，但叫佢睇字係個極大難題，反而阿妹嘅台灣網友你講一句就駁到下一句，未講到埋牙就搞到佢濕晒喎！
先前講Lexi自認有鋪性虐癮，當事人就話其實大部分女仔都有咁嘅傾向，情況就等同鍾意大男人一樣，女友唔肯提出或唔陪你癲，只係身邊對手未夠資格，所以唔提出喎！但話分兩頭，Lexi認為輕度愉虐絕對適合任何情侶，好似佢喺訪問當日就帶住「私伙」Bling Bling手銬上陣，阿妹話呢個手銬令佢有好多美好回憶喎！講到分享經驗，Lexi自認未夠班，但對愉虐必備三寶就有啲心得，話要有被虐感，手銬腳鐐一定走唔甩，一戴即有主僕之分；其次係頸箍，任何人戴住都聽教聽話，最後係皮鞭皮拍，視乎你玩前奏定着重埋身肉搏。皮鞭多數喺前奏玩，可作遠距離攻擊，皮拍就邊搞邊拍打，嘩！又話冇乜經驗，但竟然講極唔停！
絲打些牙
依家逢星期一及五喺now成人極品台都有主持節目嘅Lexi Kate，除爆盡男女性愛趣聞，得閒仲會自爆性經驗，近期佢就話要將潛藏內心多年嘅愉虐情趣大公開，究竟有乜嘢好玩，一於等佢自己講！
男： 記者 L：Lexi Kate
男：第一次玩性虐喺幾時發生、邊度發生？
L：如果要好似電影咁玩全套或玩到咁激，真係未試過，反而不同程度如綁綁腳等就經常試，每次感覺都異常興奮！
男：如果伴侶提出重口味性虐要求，你會選擇虐待定被虐？
L：無話二選一，以我所知，玩性虐嘅人都會角色交換，今次你做主導，下次到我，平衡雙方之餘又可啟發創意，畀我揀兩樣都要試！
男：點情況先會令你同對手提出玩性虐遊戲？
L：按我經驗未試過提出，相信亦毋須提出，大家Mood到又有信任時就會自自然想試！
男：性虐有一定危險性，有冇諗過後果？
L：呢層當然會考慮周到啦！我亦奉勸要有一定經驗嘅男女先好學人玩，否則畀晒架生你都唔識享受，嘥料！
男：玩性虐要有豐富經驗，咁有乜速成方法提供？
L：最直接有效梗係多睇性書啦，想幻想豐富可睇《Fifty Shades of Grey》，想了解更多埋牙體位，我則推薦呢本十年前已面世嘅《Position of The Day》，男女啱睇，365種玩法，一日一體位，圖文並茂易明實用，就算新手都極速變為達人，我手袋都長期袋住一本呀！
男：睇書只得圖加文字，點解唔直接睇重口味嘅愉虐AV呢？
L：相關題材嘅歐美日AV我每日都睇好多，但我唔贊成推介畀一般讀者，皆因呢類片為滿足觀眾視覺刺激，刻意誇張失實，觀眾跟住嚟玩分分鐘會有危險。
Lexi Kate Profile：
now成人極品台主持，外表清純，言行大膽出位，加上瞓晒身演繹，難怪巴打今期至Buy係佢啦！想知阿妹更多性事，快啲去facebook.com/lexi.kate.31刮佢啦！
鳴謝：Love Shop提供道具、now成人極品台借出場地
攝影：昌
撰文：袓