跟幾位作者聚頭，大家對走鳳姐線和桑拿線的同事A在香港似乎非常感興趣和羨慕，「上到鳳樓，經常性一個對一個，咪好容易出事？」其中四眼叔叔泛起一個蠱惑的笑容對同事A，一切盡在不言中，不過A立即搖頭表示沒有這回事，「其實好多鳳姐都好神經質，可能一個人，一間屋，佢哋都好保護自己，對人不太信任，所以絕少發生你諗嗰種事。」A沒好氣的表示。不過，大家都知道，他走的是個體戶姐姐為主，她們的年紀一般都偏大，A應該是揀飲擇食吧。「都係o架。」A回應道。
至於桑拿，出乎意料，他反而會偶爾有艷遇，主因是他熟悉的幾家場不時會有生日、節慶食飯之類的派對，這些派對除了管理層或者職員出席，也有不少場中技師參與，大家開間K房，唱唱歌、喝喝酒，有時就會發生情到濃時的事，「係o架，好多桑拿女都係新移民，一個人喺香港，一個人租間房住，放假就返番上去，佢哋話就話係香港人，但根本就係人在異鄉，好鬼寂寞，所以有個機會同佢飲吓酒，有多少身體接觸，自然就有事發生。」A果然是老江湖。
撰文：黃韋龍