澳門夜場掀起的風波的確夠震撼，那天下午我的電話一直響不停，不過說實話我不是真正的Insider，很多內行人士真正的內幕都不願跟我說，主要是太敏感的內容，怕我洩露出去吧，「梗係啦，你揸支筆搵食，一個唔覺意得罪咗你，容乜易爆我大鑊呀？」做夜店的朋友說。現在不給傳媒爆，反而給警方動了，還不是一樣？那些「馬圈女」事件，問他們這些做場的會不會得益？他一味搖着頭說，「仲大件事至真呀！」此話何來？他回應道：「你估真係攞正牌咩，你嗰邊出事，上面一定睇緊啲，總之呢次就麻煩啦。」
事實是，澳門街表面風光，但因為上面打貪，很多賣奢華的場所，都今非昔比，而夜店也是其中之一，「你知唔知大Club媽咪，收入好多時都係靠客人打賞，好景時候，穿金戴銀不在話下，有啲因為手上人客太多，更自己畀錢請助手幫忙招呼人客，成班人跟出跟入，做媽咪做到咁，你話威唔威？」但時移勢易，現在客人少了怎麼辦？「我識個媽咪，手上四、五個助手，炒剩一個，呢兩月勢頭唔對，連最後嗰個都要隔月出糧，死未先？」
撰文：黃韋龍