其實人同葉嘅關係曾經相當密切，須知道喺遠古時代人類仲未有衫着嘅時候，最早用嚟遮蔽身體嘅就係一塊塊綠色嘅樹葉。不過隨住人類文明進步，葉雖然同我哋生活冇直接關係，但佢喺情慾字海中卻產生出更多嘅意思，以下就同大家細味當中幾個最有趣嘅詞語。
須知道日本AV界有唔少女優都以純情同可愛為賣點，只係講到當中嘅可愛教主，卻唔可以唔數喺2008年11月出道嘅女優葉山潤子。呢位喺1988年1月24日出生嘅女優，當初被日本歷史悠久嘅AV片商九鬼睇中，將佢力捧為新一代旗下女優代表人物，更大力推銷佢可愛魅力，結果處女作《綺麗女孩 裸之初登場 潤子的初花》甫推出即被AV迷熱捧，佢更獲公司推薦參加當年AV界盛事《2009 AV Open》嘅女優大賽。出道以嚟，佢憑住超可愛嘅外形一直深得大家歡迎，可惜到咗2011年推出作品《濃厚吹奏和爆滿中出》後，佢便慢慢淡出AV界。
「Leaf Up」真係唔係好明乜嘢意思，乜嘢叫做葉起來呀？原來佢係一個英文情色動詞，意思即係指喺曳曳前先試玩一啲瘋狂嘅前奏，而所謂瘋狂前奏好似有打茄輪、揉弄火辣部位等等。佢使用方法嘅例句：「Dude, we should leaf up now!」（老友，我哋應該嚟個瘋狂嘅前奏！）不過話說回來，其實太過瘋狂嘅前奏未必可取，好似喺美國唔少男女都鍾意曳曳前先嚟個鴛鴦熱水浴，卻唔知道超過5分鐘嘅熱水浴其實會消耗大量體力，結果到上床入正題時令男士持久力大幅下降。
未有文明之前嘅人類會用樹葉嚟遮蔽身體重要部位，如果明白呢個道理嘅話，就知道「Leafless」呢個詞語點解。須知道「Less」有少嘅意思，而兩個字結合埋一齊即係好少葉，因而延伸出裸體嘅意思。講開裸體呢個話題，大家都知呢個世界有唔少天體愛好者，而佢哋亦鍾意聯同同好組織大型活動，集體裸泳就係其中一種。喺世界紀錄中，最多人一齊裸泳發生於2013年12月31日嘅Midway海灘。作為新西蘭BW夏季音樂節嘅活動一部分，當時雲集嚟自全球744名天體愛好者，一齊剝光豬喺海中暢泳，場面夠晒墟冚！
綠葉演員我哋都知道係乜嘢意思，即係用嚟襯托主角同讓故事得到發展嘅演員，而美國四仔界雖冇綠葉演員，但卻有嫩葉脫星「Young Leaf Pornstar」。即泛指年輕、冇四仔演出經驗初出道嘅脫星。不過大家咪以為佢哋床上演出麻麻喎！事關翻查美國四仔奧斯卡AVN頒獎禮嘅資料顯示，2006年中出道嘅脫星Sasha Grey，出道只不過係一年多嘅時間，便已喺2008年1月舉辦嘅第25屆AVN頒獎禮中，以20歲芳齡成為有史以嚟最年輕嘅年度最佳女脫星，而呢個紀錄至今仍未有人可以挑戰到佢。
撰文：魂