日本AV界一向都好照顧宅男，製作唔少迎合佢哋需要嘅作品，如自宅派遣系列等。除咗AV作品，有唔少公開活動都以宅男為目標，好似早前順利舉行完畢嘅「性人式2015」就係其中之一喇！
AV同情趣玩具有着密不可分嘅關係，原因係好多男士都會一邊欣賞AV一邊自娛，而為咗增加箇中樂趣，佢哋都會選購情趣玩具，是以情趣玩具生產商不時會搵AV女優推銷產品，甚至邀請女優嚟個真人倒模製造自娛器。
早前情趣用品生產商Tenga就邀請AV業界人士一齊舉行「性人式2015」，目的為推廣性愛樂趣以及教曉一眾宅男性知識，當然終極目的係推銷產品啦！活動當日吸引好多宅男慕名而來排隊入場，大會估計入場人數接近100人。「性人式」邀請到3位AV女優做嘉賓，當中最出名嘅一定係現時活躍於各大小媒體，又拍劇又做網台節目嘅範田紗紗，而另外兩位女優亦來頭不小，包括有新紮癡女上原花戀以及軟體女王麻宮玲。
除咗AV女優，大會仲邀請到AV監督二村仁史、AV男優清水健同色斑妍到場，另外仲有性學專家山下真理子。眾位嘉賓在場大談「性」經，為上百在場觀眾講解性知識，相信觀眾們一定獲益不少。不過，講係冇用嘅，做先係最實際，班男優同女優講得興起，仲即場示範各種性愛體位，以柔軟身體出名嘅麻宮玲更表演立定一字馬動作，當然只係擺個姿勢而唔係表演真人騷咁大膽啦！嘉賓們講講吓見到一位宅男觀眾怕怕醜醜，於是邀請對方上台同上原花戀同坐一席，二人期間仲深情對望，睇見宅男表情陶醉郁都唔敢郁，場面相當搞笑。最後，上原花戀同麻宮玲邀請另一位男觀眾上台進行開酒儀式，不過點解桶酒咁黏稠嘅？原來儀式唔係開酒，而係開潤滑劑呀！
撰文：賢