有人話喺50米高嘅懸崖邊度曳曳，刺激得嚟又可以欣賞埋風景，感覺不知幾咁正！不過有人卻話曳曳使乜搞到咁危險，喺荷蘭阿姆斯特丹嘅天秤酒店Faralda Crane Hotel，同樣可以體驗到喺幾十米高地方激情嘅快感。呢間天秤本嚟係造船廠嘅一部分，其後被酒店睇中，將佢打造成擁有三間位於35米、40米同45米高房間的酒店；每間以超過750萬港幣豪裝嘅奢華套房，喺天秤頂部更設有一個可盡覽海港嘅露天按摩浴池，難怪呢度不但係度假勝地，亦成為婚禮嘅熱門場所。有巴打就認為若然可以喺度曳曳嘅話，嗰種感覺真係正到冇嘢可以形容，之但係想享受呢種高空激情體驗，就要先付出約4,000港幣一晚嘅代價，合唔合理就自己諗喇！