大家有冇諗過有處地方可以邊歎牛扒邊欣賞火辣艷舞呢？位於紐約曼哈頓呢個金融中心區嘅男士俱樂部Rick's Cabaret，就為玩家提供一個咁嘅地方。佔地超過一萬平方呎嘅夜店分成三層，一樓為大廳以供玩家邊睇舞台演出，邊享受美酒及索女嘅貼身服務；二樓則為備受推崇嘅牛扒餐廳，而大家透過天井形設計更可盡覽一樓舞台上嘅精彩表演；三樓為VIP區供有品味又想同朋友獨享之用。
此外，以提供優質環境同服務著稱嘅佢，除咗華麗嘅裝修、舞台設計及音響系統，畀到玩家非凡視聽體驗外，火辣嘅艷舞女郎貼身招呼，更令玩家充分享受到真正嘅尊貴級服務。另外，喺夜店嘅露台部分更設有特色雪茄吧，正好讓男士喺度暢談。呢間包含各種超凡體驗於一身嘅夜店，難怪被喻為紐約首屈一指嘅男士俱樂部！
撰文：魂